बलौदाबाजार, राज्य शासन के महत्वाकांक्षी योजना गोधन न्याय अउ सुराजी गांव योजना के दायरा अब जेल तक पहुँच गए हे। जिला म एक कोति जिहां एकर विस्तार बारनवापारा के अंचल म करे जात हे उहें दुसर कोति एकर विस्तार अब जेल तक कर देहे गए हे। अब एखर सकारात्मक परिणाम मिले लगे हे। कैदी मन ह पहली खेप के रूप म 7 क्विटल वर्मी कंपोस्ट तियार करे हें। तियार वर्मी कंपोस्ट ल जेल प्रशासन कोति ले ही खरीद लहे जाही अउ एकर उपयोग जेल के भीतर बनाए जात बाड़ी विकास के तहत पोषण वाटिका म करे जाही। एखर अकतहा अवइया कुछ दिन म करीबन 25 क्विटल वर्मी घलोक तियार हो जाही। कलेक्टर डोमन सिंह के निर्देश म जेल के भीतर कैदी मन ल घलोक स्वरोजगार ले जोड़त ओ मन ल वर्मी कंपोस्ट निर्माण, मशरूम उत्पादन अउ आन रोजगार मूलक गतिविधि मन ल चालू करे गए हे। एखर तहत पहिली चरण म 40- 40 चुने गए कैदी मन ल वर्मी कंपोस्ट अउ पोषण बाड़ी निर्माण के प्रशिक्षण सतत रूप ले देहे जात हे।
जेल तक पहुँचिस गोधन न्याय योजना, कैदी मन ह तियार करिन 7 क्विटल वर्मी कंपोस्ट के पहली खेप
