गौरेला-पेंड्रा-मरवाही : नहर मरम्मत ले गांगपुर अऊ कोरजा के किसान मन ल मिलीस सिंचाई सुविधा

गौरेला-पेंड्रा-मरवाही, गांगपुर जलाशय योजना के नहर मन के मरम्मत ले गांगपुर अऊ कोरजा गांव के 19 किसान मन ल 33 एकड़ रकबा म सिंचाई सुविधा मिले हे। इहां के किसान मन ह साल 2022 म पहली पईत रबी फसल गेंहू उपजाए हें। सिंचाई सुविधा मिले ले किसान मन के आय के साधन बाढ़े हे। सिंचाई सुविधा मिले ले किसान मन म बहुत खुसी हे। जल संसाधन संभाग पेंड्रारोड ह गांगपुर जलाशय योजना के नहर मन म सीमेंट कांक्रीट लाइनिंग के काम पूरा करे हे।
गांगपुर ले लाभान्वित होवइया किसान मन म यज्ञ नारायण, लल्ला सिंह, सेवा सिंह, टीकाराम, अशोक कुमार, फूलाबाई, भौसल सिंह, सरोधन अउर नन्सू सामिल हे। अइसनहे कोरजा ले लाभान्वित होवइया किसान मन म विजय कुमार, हरीशचंद्र, शशिकला, लोचन, गट्टू, नरेश, महेश, लल्ला, सुल्तान अऊ बजारू सामिल हे।