फसल चक्र बदलाव ले लाखों के कमाई करत हे राजेश कुशवाहा

गौरेला पेंड्रा मरवाही, धान अऊ गेहूं के खेती बदल के सब्जी के खेती ले सालाना पांच ले छै लाख रूपिया के कमाई करत हे राजेश कुशवाहा। गौरेला विकासखण्ड के ग्राम तेंदुमुड़ा निवासी राजेश कुशवाहा ह बताइस कि वोखर तीर करीबन ढाई एकड़ जमीन हे। ओ ह पहिली धान अऊ गेहूं के खेती करत रहिस। अब ओ ह उद्यानिकी विभाग के राष्ट्रीय बागवानी मिशन योजना के तहत फसल चक्र बदलाव करके सब्जी क्षेत्र विस्तार ले गर्मी के मौसम म करेली अऊ बरबट्टी लगाथे। एखर बाद गोभी, टमाटर अऊ आलू के पैदावार ले पांच ले छै लाख रूपिया सालाना कमाई करत हे। सब्जी के खेती ले ही ओखर घर-परिवार चलथे। राजेश कुशवाहा सब्जी के खेती ले अड़बड़ खुश हे।