गौरेला पेण्ड्रा मरवाही, जल जीवन मिशन के तहत जिला म हर घर नल ले जल पहुंचाए के मुहिम म पेण्ड्रा विकासखण्ड के देवरीखुर्द पंचायत के सबो 480 घर मन म नल ले शुद्ध पेयजल पहंचे लगे हे। ए योजना लोक स्वास्थ्य यांत्रिकी विभाग कोति ले 1 करोड़ 93 लाख 86 हजार रूपिया के लागत ले पूरा करे गए हे। नल ले जल मिले म देवरीखुर्द निवासी श्रीमती लीला बाई पोर्ते अपन खुशी के इजहार करत बताईस के पहिली ओ ल दूरिहा ले पैदल चलके पानी लाए बर परत रहिस, एखर से परेशानी होत रहिस। अब घर म ही नल ले पानी मिले के सुविधा ले वो ह अड़बड़ खुश हे। योजना के संचालन अउ संधारण ग्राम पंचायत ह करत हे। संगेच गांव वाले मन ल जल संरक्षण अउ जल संवर्धन के तहत पानी के सीमित मात्रा म उपयोग, जल बचाव, किचन गार्डन जइसे विषय मन उपर चर्चा करके ओ मन ल जागरूक करे जात हे।
गौरेला पेण्ड्रा मरवाही : देवरीखुर्द पंचायत के सबो 480 घर मन म पहुंचना शुरू हो गे नल ले पेयजल
