जीपीएम, 12 जुलाई 2024। मुख्यमंत्री श्री विष्णु देव साय के अगुवई म संचालित श्री रामलला दर्शन (अयोध्या धाम) योजना के तहत जीपीएम जिला ले 49 तीर्थ यात्री मन के दल ल कलेक्टर श्रीमती लीना कमलेश मंडावी ह हरी झंडी देखा के रवाना करीस। जिला के सबो 49 तीर्थ यात्री मन ल दुर्गा चौक पेंड्रा म सकेल के कई ठन वाहन म बइठाके ओ मन ल रेलवे स्टेशन बिलासपुर बर रवाना करे गीस। ये सबो तीर्थयात्री बिलासपुर ले ट्रेन ले अयोध्या धाम बर प्रस्थान करिन। कलेक्टर ह सबो तीर्थ यात्री मन ल मिठाई खवाइस अउ फुल भेंट करके ऊंखर मंगलमय यात्रा के कामना करिन। तीर्थ यात्री मन के दल म जनपद पंचायत गौरेला ले 12, पेंड्रा ले 12 अउ मरवाही ले 13 अऊ नगर पालिका परिषद पेंड्रा ले 5 अउ गौरेला ले 7 तीर्थयात्री सामिल हे। एमां 29 पुरुष अऊ 20 महिला तीर्थयात्री सामिल हे। तीर्थ यात्री मन के रवानगी के अवसर म परियोजना निदेशक जिला पंचायत (डीआरडीए) श्री केपी तेंदुलकर, एसडीएम पेंड्रारोड श्री अमित बैक अउ सीएमओ पेंड्रा श्री के एल निर्मलकर अऊ गणमान्य नागरिक घलोक उपस्थित रहिन।
श्री रामलला दर्शन बर जीपीएम जिला ले 49 तीर्थ यात्री मन के दल अयोध्या बर रवाना
