गौरेला पेंड्रा मरवाही, 16 जुलाई 2024, गौरेला पेंड्रा मरवाही जिला म उर्वरक निगरानी टीम ह छापामारी के समय पेंड्रा विकासखंड के ग्राम पंचायत सरखोर म अवैध रूप ले भंडारण करे म 500 बोरी जैविक खाद जप्त करे हे। कलेक्टर श्रीमती लीना कमलेश मंडावी के निर्देश के मुताबिक खाद-बीज के कालाबाजारी रोके अउ अवैध भंडारण के जांच-पड़ताल कार्रवाई बर टीम गठित करे गए हे।
जांच दल ह आज गांव वाले मन से मिले सूचना म ग्राम सरखोर म छापामार कार्यवाही करिस, जहां सहसराम के घर म मेसर्स संतोष राठौर पेंड्रा के अवैध रूप ले 500 बोरी जैविक खाद के भंडारण कराए जात रहिस। मौका म कृषि विभाग के टीम ह जरूरी पूछ-ताछ करके कागद मांगीस। समाधान कारक उत्तर अउ कागद नइ दे सके के कारण उर्वरक नियंत्रण अधिनियम 1985 के तहत 500 बोरी खाद ल जप्त करके घर म ही सीज कर दे गीस। ए कार्यवाई म कृषि विभाग के उप संचालक सत्यजीत कंवर, अनुविभागीय अधिकारी एस एस आर्मा अऊ उर्वरक निरीक्षक हेमंत कश्यप सामिल रहिन।
