मंत्री डॉ. डहरिया ह पेन्ड्रा अऊ गौरेला के सीएमओ के बैठक लेके करिन नगर पंचायत मन के काम मन के समीक्षा
रायपुर, 08 जुलाई 2020। नगरीय प्रशासन अऊ श्रम मंत्री डॉ. शिव कुमार डहरिया ह मंगलवार के दिन जिला गौरेला-पेन्ड्रा-मरवाही के अंतर्गत पेन्ड्रा अऊ गौरेला नगर पंचायत के अधिकारी मन के बैठक लेके राज्य सरकार के महत्वाकांक्षी योजना रोका-छेका अभियान अऊ गौठान निर्माण के काम मन म तेजी लाय के हुकुम दीन। उमन पौनी-पसारी योजना के तहत पारंपरिक व्यावसाय ले जुड़े मनखे मन ल रोजगार के अवसर उपलब्ध कराए बर बाजार शेड निर्माण ल प्राथमिकता के तौर म चालू करे के घलोक हुकुम दीन। डॉ. डहरिया ह कहिन के नगर पंचायत मन के माध्यम ले संचालित शासन के कई ठन जनकल्याणकारी योजना मन के तहत पात्र हितग्राही मन ल लाभान्वित करे जाए। हितग्राही मन ल लाभान्वित करे बर स्थानीय जनप्रतिनिधि मन के सहयोग घलोक ले जाय। उमन अधोसंरचना विकास के अंतर्गत गुणवत्तापूर्ण काम करे के निर्देश दीन अऊ कहिन कि जरूरी काम मन के प्रस्ताव तियार करके लउहे शासन ल प्रस्ताव भेजे जाय।
