रायपुर, 30 जून 2021। मुख्यमंत्री श्री भूपेश बघेल ह गांव मन म बने गौठान मन म मल्टीयुटिलिटी सेंटर के संचालन बर शेड के निर्माण कराए के निर्देश देहे हें। उमन कहिन के एखर से महिला स्व-सहायता समूह अउ गांव वाले मन ल रोजगार व्यवसाय के गतिविधि ल संचालित करे म मदद मिलही। मुख्यमंत्री ह पहिली चरण म राज्य के 3 हजार गौठान मन म वर्क शेड के निर्माण डीएमएफ के राशि ले कराए ल कहे हें। उमन कहिन कि एखर बर आवश्यकतानुसार जिला मन ल राशि घलोक उपलब्ध कराए जाही।
गौठान मन म मल्टीयुटिलिटी सेंटर बर शेड बनावव: मुख्यमंत्री श्री भूपेश बघेल
