गौठान अऊ मल्टी एक्टीविटी सेंटर मन म 329 महिला स्व-सहायता समूह मन ह कई ठन आजीविका गतिविधि मन ले 2 करोड़ 25 लाख रूपिया ले जादा के करे हें टर्नओवर
कोरिया, छत्तीसगढ़ शासन के महत्वाकांक्षी योजना नरवा, गरवा, घुरूवा, बाड़ी अऊ गोधन न्याय योजना के तहत जिला म गौठान मन के निर्माण करे गए हे। इहां महिला समूह मन ल जोड़त ओ मन ल कई ठन आजीविका गतिविधि मन ले रूबरू कराए गए। शासन के ये कदम के परिणाम हे कि जिला म 195 गौठान अऊ गौठान ले भिन्न मल्टी एक्टीविटी सेंटर म 329 महिला स्व-सहायता समूह मन सामुदायिक बाड़ी, मशरूम उत्पादन, दाल मिल, चप्पल निर्माण, चैन संकली फेंसिंग, फ्लाई ऐश ईंट निर्माण, कोदो चावल प्रोसेसिंग, एलईडी बल्ब, पेवर ब्लॉक निर्माण आदि आजीविका गतिविधि संचालित करत हें अऊ ए गतिविधि मन ले समूह मन कोति ले 2 करोड़ 25 लाख रूपिया ले जादा के टर्नओवर विक्रय करे गए हे।
जिला प्रशासन के अंतर्गत राष्ट्रीय ग्रामीण आजीविका मिशन बिहान के माध्यम ले गौठान मन म काम करइया स्व सहायता समूह के महिला मन ल कई प्रकार के सामान तियार करे बर प्रशिक्षण घलोक देहे गए हे। राष्ट्रीय ग्रामीण आजीविका मिशन बिहान ले मिले जानकारी के मुताबिक स्व सहायता समूह मन, स्थानीय उत्पादक मन ल उचित प्लेटफॉर्म देहे अऊ स्थानीय उत्पाद, परंपरागत व्यंजन, परिधान मन ल एक अवसर मुहैया कराए के शासन के मंशा के मुताबिक जिला मुख्यालय बैकुण्ठपुर म छत्तीसगढ़ मार्ट के सुविधा घलोक देहे गए हे। महिला मन अपन हाथ ले बनाय सामान अऊ गौठान मन म उत्पादित चीज मन के विक्रय सी-मार्ट के माध्यम ले करत हें। शुरूआत के सिरिफ दू महीना ले घलोक कम समय म सी-मार्ट के संग 14 लाख 13 हजार रूपिया के उत्पाद के विक्रय करे गए हे।
गौठान मन ल ग्रामीण औद्योगिक पार्क के रूप म करे जात हे विकसित
गौठान मन ल ग्रामीण औद्योगिक पार्क के रूप म विकसित करे बर जिला म 05 ईकाई तियार हे जेमे आलू चिप्स यूनिट, लकरा जूस, दोना पत्तल निर्माण, टेराकोटा सामान, जीराफूल चावल, बेकरी उत्पाद, कैटल फीड, रूई, शहद, झाड़ू निर्माण जइसे गतिविधि शुरू करे जात हे। अवइया कार्ययोजना के तहत कुल 25 गौठान मन ल ग्रामीण औद्योगिक पार्क के रूप म विकसित करे बर चयन करे गए हे जिहां 550 ले जादा हिताग्राही मन ल रोजगार ले जोड़े के लक्ष्य रखे गए हे।