सूरजपुर, 12 अगस्त 2023
छत्तीसगढ़ शासन के अति महत्वपूर्ण, महत्वकांक्षी अउ फ्लेगशिप योजना के आरम्भ 20 जुलाई 2020 के हरेली तिहार के दिन ग्राम पंचायत सिलफिली में होइस।
माँ दुर्गा महिला स्वयं सहायता समूह सिलफिली के 10 महिला मन के समुह ह वर्मी कम्पोस्ट 747.49 क्विंटल उत्पादन करे हे। जेमा से 732.49 क्विंटल बेचे के बाद राशि 2.26 लाख रूपिया शुद्ध लाभ के रूप में महिला समूह ल मिलिस हे । मशरूम उत्पादन ले 16 हजार अउ केंचुआ उत्पादन ले 14 हजार लाभ होए हे। ए प्रकार समहू के कुल आय 2.56 लाख हे अउ वर्तमान में उत्पादन सतत जारी हे।
सरस्वती स्वयं सहायता समूह के महिला मन ह मुर्गीपालन ले आज तक 45 हजार के आमदनी अर्जित करे हे। महामाया स्वयं सहायता समूह अउ प्रगति सक्ति स्वयं सहायता समूह के महिला मन ह बाड़ी उद्यानिकी अउ साग सब्जी के फसल ले आज तक कुल 3.63 लाख राशि आमदनी अर्जित करे हे। ए प्रकार गौठान में कार्यरत महिला स्वयं सहायता समूह के कुल आय 6.64 लाख हे। महिलाओं के द्वारा करे गए परिश्रम के परिणाम लाभ के रूप में मिलिस अउ जेकर से महिला मन आर्थिक स्वतंत्रता प्राप्त कर अपन घरेलू जरूरत अउ आवश्यक वस्तु जईसे पलंग, फ्रीज अउ दूसर आवश्यक सामग्री बिसइस हे। आर्थिक स्थिति मजबूत होएस उमन ह अपन परिवार के सदस्य के उपचार, बेटी के बर बिहा, लईका मन के जरूरत अउ शिक्षा दीक्षा में व्यय कर के आत्मसम्मान ले जीवन के निर्वहन करत हे।
