बदलत दन्तेवाड़ाः मुश्किल घड़ी म कालीचन्द ल मिलीस ग्राम स्वरोजगार के संग

दंतेवाड़ा, दंतेवाड़ा के गीदम विकासखंड के अर्न्तगत ग्राम झोडि़याबाड़म कुंजाम पारा निवासी कालीचन्द अग्रवाल के जीवन पहिलिच संघर्ष ले भरे रहिस। फेर अब वोखर अऊ वोखर परिवार के जिंदगी ग्राम स्वरोजगार केन्द्र जिला प्रशासन कोति ले सहायता लेहे ले संवर गए। कालीचन्द अग्रवाल ह गांव के पारा म अब किराना सामान के दुकान चलाथे, जेखर से ओ मन ल बनेच आमदनी होवत हे।
वो ह सोचिस कि इहां के पारा वाले मन दूरिहा दूसर पारा म किराना समान लेहे जाथें। ते पाए के वो ह किराना दुकान खोले के सोचीस। कालीचन्द ह पहिली छोटे दुकान के शुरुआत करिस, एखर बाद वो ओला बढ़ाय के उदीम करे लगिस। कम आय होए के सेती बने आमदनी नइ मिल पात रहिस जेखर से वो अपन दुकान म सामान बढ़ा नइ सकत रहिस।
एक दिन गांव के पंचायत म ग्राम सभा के बैठक होइस जेमां जिला व्यापार अऊ उद्योग केन्द्र के शिविर लगिस। जेखर से वोला पता चलिस अऊ किराना व्यवसाय बर ऋण लेके अपन दुकान बढ़ाय के सोचिस। विभाग ह घलोक कालीचन्द अग्रवाल ल पूरा सहयोग प्रदान करिस। जेखर बाद ओ ल जिला प्रशासन कोति ले सहायता ऋण 50 हजार रूपिया के चेक प्रदान करे गीस। चेक ल लउहे गीदम स्थित पंजाब नेशनल बैंक म जमा करके वोला 50 हजार रूपिया के ऋण प्राप्त होइस। ओ ऋण ले वो ह अपन दुकान म बहुत अकन किराना अऊ फैंसी सामान रखिस अऊ वो सामान मन के विक्रय करके अच्छा खासा आमदनी प्राप्त हो जात हे। जेखर से वोखर महिना म 10 ले 15 हजार रूपिया तक आमदनी हो जात हे। जेखर से वो अब बहुत खुश हे। अब ग्राम स्वरोजगार योजना ले सहायता लेके वोखर आर्थिक स्थिति पहिली ले बेहतर हो गए हे। अब वो अपन परिवार के संग सम्मान जनक जीवन यापन करत हे।