छात्र ह सुनाइस गीता के श्लोक, धर्मक्षेत्रे कुरुक्षेत्रे समवेता युयुत्सवः, मामकाः पाण्डवाश्चैव किमकुर्वत सञ्जय

श्लोक पढ़के कविता म सुनाइस गीता ज्ञान के सार
मुख्यमंत्री श्री भूपेश बघेल ह अबड़ सराहिस
स्वामी आत्मानंद अंग्रेजी माध्यम स्कूल म पढ़ के नवा पीढ़ी म संस्कार अउ संस्कृति दुनों के चेतना आवत हे।
3D प्रिंटिंग मशीन के बारे म लईका मन करा लीस जानकारी
रायपुर, नेहा राठौर के खबर/ हर वर्ग के लइका मन ल अंग्रेजी माध्यम म निःशुल्क शिक्षा उपलब्ध कराए के उद्देश्य ले छत्तीसगढ़ सरकार ह स्वामी आत्मानंद अंग्रेजी माध्यम स्कूल ल सुरू करवाए हे, इहां छात्र-छात्रा मन आधुनिक सुविधा के बीच अंग्रेजी माध्यम म उत्कृष्ट शिक्षा प्राप्त करत हे।
एकर एक उदाहरण देखे ब मिलिस जेन दिन मुख्यमंत्री श्री भूपेश बघेल अपन प्रदेशव्यापी भेंट-मुलाकात कार्यक्रम के बेरा म मुंगेली जिला म स्थित स्वामी आत्मानंद अंग्रेजी माध्यम स्कूल पहुँचिस, इहां कक्षा ग्यारहवीं के छात्र आयुष ह मुख्यमंत्री ले बात करत हुए गीता के श्लोक “धर्मक्षेत्रे कुरुक्षेत्रे समवेता युयुत्सवः, मामकाः पाण्डवाश्चैव किमकुर्वत सञ्जय” पढ़त हुए कुरुक्षेत्र म महाभारत के युद्ध के बीच श्रीकृष्ण के अर्जुन ल दिए गीता के ज्ञान ल पंक्तिबद्ध कविता के रूप म सुनाइस।
मुख्यमंत्री ह कक्षा दसवीं के छात्रा श्वेता लहरे करा 3D प्रिंटिंग मशीन के बारे म जानकारी लिस। अउ कक्षा 09 के लईका मन के बनाए ऑटोमेटिक स्ट्रीट लाइट, होम आटोमेशन सिस्टम,  ओबसटीकल एवोयडेंस रोबोट, लाइन फॉलोअर रोबोट, स्मार्ट डस्टबीन के निरीक्षण करिस।