53 लाख ले जादा लोगन मन के होइस 96.20 करोड़ रूपिया के बचत
राज्य के जम्मो नगरीय निकाय मन म संचालित करे जाथ हे श्री धनवंतरी जेनेरिक दवई दुकान
सरकारी डाक्टर मन जेनेरिक दवई लिखे ल जरूरी कर दिए गए हे
रायपुर, नेहा राठौर के खबर/ छत्तीसगढ़ म लोगन मन ल ससता जेनेरिक दवई असानी ले मिलत हे। राज्य सरकार के श्री धनवंतरी जेनेरिक दवई दुकान ले 53 लाख ले जादा मनखे मन ल ससता दवई मिलत हे। राज्य के जम्मो नगरीय निकाय म श्री धनवंतरी जेनेरिक मेडिकल स्टोर योजना के अनतरगत जेनेरिक दवई दुकान के संचालन करे जाथ हे। ए दुकान मन म देश के बड़े बड़े कंपनी के जेनेरिक दवई मन म 50 ले 70 प्रतिशत तक के छूट दिए जाथ हे। ए योजना ले अभी तक 155.54 करोड़ रूपिया एम.आर.पी. के दवई के विक्रय म 96 करोड़ 20 लाख रूपिया के छूट लोगन मन ल दिए गए हे।
मुख्यमंत्री श्री भूपेश बघेल के बढ़िया सोच के अनुसार म नगरीय प्रशासन अउ विकास विभाग के द्वारा श्री धनवंतरी जेनेरिक मेडिकल स्टोर योजना 20 अक्टूबर 2021 ले चालू करे गए हे। ए योजना म राज्य के जम्मो 169 नगरीय निकाय मन म 195 श्री धनवंतरी दवई दुकान खोले गए हे। धनवंतरी दवई दुकान मन म सर्दी, खांसी, बुखार,रक्तचाप(ब्लड प्रेशर), इन्सुलिन के संग बड़े बड़े बीमारी के दवई, एंटीबायोटिक, सर्जिकल आईटम मन ल घलो छूट अउ कम दाम म जेन लोगन मन ल जरूरत हे तेन म ल दिए जाथ हे।
श्री धनवंतरी जेनेरिक मेडिकल स्टोर योजना के अनतरगत संचालित दुकान म रायपुर जिला म 20, दुर्ग म 19, बिलासपुर म 10, जांजगीर-चांपा म 9, रायगढ़,अउ बेमेतरा म 8-8, बलौदाबाजार-भाटापारा अउ धमतरी म 7-7, बालोद, कोरबा, कांकेर, सक्ती, सूरजपुर, महासमुंद अउ कबीरधाम म 6-6, राजनांदगांव, सारंगढ़-बिलाईगढ़, मनेन्द्रगढ़-चिरमिरी-भरतपुर, दंतेवाड़ा, जशपुर अउ बलरामपुर म 5-5, मुंगेली, गरियाबंद अउ सरगुजा म 4-4, कोण्डागांव, सुकमा, खैरागढ़-छुईखदान-गंडई, बस्तर अउ बीजापुर म 3-3, कोरिया अउ गौरेला-पेण्ड्रा-मरवाही म 2-2, मोहला-मानपुर-अम्बागढ़ अउ नारायणपुर म 1-1 श्री धनवंतरी जेनेरिक दवई दुकान खोले अउ चलाए जाथ हे।
