राजस्व प्रकरण मन के पंजीयन अऊ पेशी के तारीक अपडेट नइ करईया अधिकारी मन उपर होगी कड़ा कार्यवाही

रायपुर, 06 जुलाई 2024। राजस्व मंत्री श्री टंकराम वर्मा ह आज प्रेसवार्ता लेके राज्य म चलाए जात राजस्व पखवाड़ा, राजस्व प्रकरण मन अउ आन राजस्व विषय मन के संबंध म जानकारी दीन। उमन कहिन कि मुख्यमंत्री श्री विष्णु देव साय के मंशा के मुताबिक राज्य म सुशासन स्थापित करे बर कई ठन योजना मन के माध्यम ले आमजन ल सुविधा उपलब्‍ध कराए जात हे। राजस्व पखवाड़ा म राजस्व विभाग ले संबंधित समस्या मन के जल्दी निराकरण बर 6 ले 20 जुलाई तक सबो जिला मन के गांव म शिविर लगाए जाही। ए शिविर के माध्यम ले बी-1, खसरा के नकल अउ किसान किताब के आवेदन मन के शिविर स्थल म ही निराकरण करे जाही। अइसनहे आय, जाति, निवास प्रमाण पत्र संबंधी जम्‍मो आवेदन मन ल लोक सेवा केन्द्र के माध्यम ले ऑनलाईन प्रविष्टि अउ शत-प्रतिशत निराकरण करे जाही। शिविर म मिलइया फौती नामांतरण, बटवारा, गलती सुधार के प्रकरण मन के मौका म ही ऑनलाईन अपलोड करके हल्का पटवारी से प्रतिवेदन, पंचनामा आदि के प्रविष्टि अउ मौका म ईश्तहार जारी करके पक्षकार मन ल तामिल करा के प्रकरन मन के निराकरण करे जाही। राज्य म अभी 7 लाख 4 हजार 154 दर्ज प्रकरण मन म ले 5 लाख 90 हजार 490 प्रकरण मन के निराकरण करे जा चुके हे। लंबित प्रकरण मन ल समय-सीमा म निराकृत करे के निर्देश संबंधित राजस्व अधिकारी मन ल देहे गे हे।