बेमेतरा : जर्मनी के ए.एल.डी.आई. कम्पनी ह वस्त्र उद्योग बर ग्राम राखी के केला तना प्राकृतिक रेशा इकाई म देखाईस रूचि

बेमेतरा, जर्मनी के बहुप्रचलित बहुराष्ट्रीय कम्पनी ए.एल.डी.आई. ग्रुप के अनुसंधान समूह के महिला श्रीमती जाना क्रिस्टेल स्टेम ह बेमेतरा जिला के गौठान ग्राम राखी के केला तना रेशा निष्कासन इकाई के उन्नति महिला केला तना रेशा उत्पादक समिति के महिला मन ले भेंट मुलाकात करके पूरा जानकारी प्राप्त करिन। वो ह उत्पाद मन ल सहराईन। कृषि विज्ञान केन्द्र, बेमेतरा के वैज्ञानिक डॉ. रंजीत सिंह राजपूत अउ डॉ. जितेन्द्र जोशी के माध्यम ले श्रीमति जाना ह महिला मन ले बातचीत करके सबो के संग अपन काम अऊ अनुभव साझा करिन। श्रीमती जाना क्रिस्टेल स्टेम ह कहिस के हमर कम्‍पनी निश्चित ही छत्तीसगढ़ राज्य म प्राकृतिक रेशा के ये क्षेत्र म काम करे बर जर्मनी के ए.एल.डी.आई. ग्रुप ल समझाही।