सूरजपुर, 18 जून 2020। जिला म ग्रामीण जीवन ल सुगम बनाए बर जिला प्रसासन कोति ले शासन के योजना मन के सही क्रियान्वयन बर उदीम करे जात हे। सूरजपुर जिला प्रसासन कोति ले कलेक्टर श्री रणबीर शर्मा के हुकुम म योजना मन के लाभ जादा ले जादा मनखे मन ल मिलय ये बात के लक्ष्य बनाके काम करे जात हे। इही कारण हे के आज कई स्तर मन म ग्रामीण क्षेत्र म विकास देखे ल मिलत हे। अइसनहे एक ग्रामीण समस्या म खाना पकाए के समस्या हे। ग्रामीण मुख्य तौर म खाना बनाए बर लकड़ी के उपयोग करत हें जऊन जंगल मन ल खतम करत जात हे, लकड़ी मन के दोहन जिहॉ एक कोति पर्यावरण ल नुकसान पहुंचावत हे त उहें जंगली प्राणी मन के बसेरा घलोक उंखर ले छीने जात हे।
इही सब स्थिति ल देखत राज्य शासन के हुकुम म बायोगैस संयंत्र ले सुगम रूप ले ईंधन गांव-गांव पहुंचाए बर जिला म क्रेडा ह काम करत हे। जिला म क्रेडा ह साल 2018-19 म 300 नग अउ 2019-20 म 206 नग 2 घन मीटर के घरेलु बायोगैस संयंत्र के स्थापना केरे हे, जेखर से एक परिवार ल भोजन पकाए बर बहुत मात्रा म स्वच्छ ईधन गैस मिलत हे। इही नहीं ईंधन बनाए के बाद बचे कचरा ल जैविक खाद के रूप म उपयोग करे जात हे, जऊन किसान मन बर बिकट लाभकारी हे, एखर से फर्टीलाईजर के बचत होवत हे, अऊ सस्ता अउ उपयोगी खाद मिलत हे। योजना के प्रसार बर क्रेडा सरलग काम करत हे, भविष्य म योजना ले अऊ जादा गांव वाले मन ल लाभ पहुंचाए के लक्ष्य बनाए गए हे।
