रइपुर, 22 जून 2021 मंगल। मुख्यमंत्री दाउ भूपेश बघेल ह कहीन कि प्रदेश के सबो 45 लाख 48 हजार ग्रामीण परिवार ल बछर 2023 के अंत तक उन्कर घर म फोकट म नल कनेक्शन देके शुद्ध पेयजल देहे जाही। जल जीवन मिशन के अंतर्गत अब तक 5 लाख 66 हजार घर म नल के माध्यम ले शुद्ध पेयजल पहुंचाए के काम पूरा कर लेहे गे हे। शेष घरों में शुद्ध पेयजल पहुंचाने के लिए धन राशि की कमीे नहीं होगी। ये साल राज्य बजट म घरों घर नल कनेक्शन ले पानी पहुंचाए बर 850 करोड़ प्रावधान करे गे हे। इ
मुख्यमंत्री आज अपन घरू कार्यालय म जल जीवन मिशन के तहत 16 जिला म 238 करोड़ 56 लाख 86 हजार रूपिया के लागत के 658 ठिन कार्य मन के भूमि पूजन के वर्चुअल कार्यक्रम ल सम्बोधित करत रिहिन। इन्कर माध्यम ले 65 हजार 396 घर म नल कनेक्शन देहे जाही। मुख्यमंत्री दाउ भूपेश बघेल ह जल जीवन मिशन के प्रचार वाहन ल हरियर झण्डी दिखाके रवाना करीन। जल जीवन मिशन के अंतर्गत घर मन के छोड़ शाला, आंगनबाड़ी केन्द्र अउ सार्वजनिक जगा मन म तको रनिंग वाटर के बेवस्था करे जाही।
मुख्यमंत्री कहीन कि प्रति व्यक्ति के मान से हर घर म 55 लीटर पानी प्रतिदिन पहुंचाए ले भूमिगत अउ सतहीजल स्त्रोत म दबाव बाढ़ही। एकर बर पानी के सरलग आपूर्ति बर वाटर रिचार्जिंग के बेवस्था करे अउ नरवा प्रोजेक्ट के बूता ल गति प्रदान करे जाय।
मुख्यमंत्री कहीन कि 8 जून ले 21 जून तक भिन्न —भिन्न जिला म लोकार्पण अउ शिलान्यास के वर्चुअल कार्यक्रम के बेरा जल जीवन मिशन के तहत 425 करोड़ रूपिया ले जादा लागत के 1373 योजना मन के शिलान्यास करे गइस। जेकर माध्यम ले 1 लाख 46 हजार 739 घर म नल कनेक्शन देहे जाही ।
लोक स्वास्थ्य यांत्रिकी मंत्री श्री गुरू रूद्रकुमार ह कहीन कि राज्य के कई ठिन गांव अउ इलाका अइसे हे, जिहां पानी म फ्लोराइड, आयरन आदि के समस्या हावय अइसन इलाका अउ गांव म शुद्ध पेयजल के आपूर्ति बर गु्रप वाटर स्कीम तियार करे गे हे। जेमा गिरौदपुरी धाम बर 62.23 करोड़ रूपिया अउ सुपेबेड़ा बर 10.34 करोड़ रूपिया लागत के गु्रप वाटर स्कीम स्वीकृत करे गे हे। पेयजल के शुद्धता के परीक्षण बर राज्य के सबो जिला म जल प्रयोगशाला के स्थापना के जानकारी दीन।
