रायपुर, मुख्यमंत्री श्री भूपेश बघेल ले उंकर निवास कार्यालय परिसर म गुरु घासीदास साहित्य अऊ संस्कृति अकादमी के पदाधिकारी मन ह सौजन्य मुलाकात करिन।
प्रतिनिधिमंडल ह रायपुर राजधानी म 11 अगस्त के आयोजित होवइया छत्तीसगढ़ प्रदेश स्तरीय मिनीमाता स्मृति दिवस अऊ प्रतिभा सम्मान समारोह म मुख्य अतिथि के रूप म सामिल होए बर मुख्यमंत्री ल नेवता दीन। मुख्यमंत्री ह नेवता झोंकत प्रतिनिधिमंडल ल धन्यवाद दीन अऊ कार्यक्रम म सामिल होए बर सहमति प्रदान करिन। प्रतिनिधिमंडल म अकादमी के अध्यक्ष श्री के.पी. खांडे, महासचिव डॉ. जेआर सोनी अऊ प्रवक्ता श्री चेतन चंदेल घलोक सामिल रहिन।
