नवा दिल्ली, 30 सितंबर 2024। छत्तीसगढ़ के सड़क मन के जाल अऊ मजबूत होवइया हे। केंद्रीय सड़क परिवहन अउ राजमार्ग मंत्री नितिन गडकरी ह छत्तीसगढ़ बर 11 हजार करोड़ रुपिया के मंजूरी देके राज्य ल एक बड़का सौगात देहे हे। ए पइसा ले चार प्रमुख राष्ट्रीय राजमार्ग के विकास करे जाही, जेन छत्तीसगढ़ के कनेक्टिविटी ल अऊ सुदृढ़ करही। श्री गडकरी ह ये घोषणा नई दिल्ली म छत्तीसगढ़ के मुख्यमंत्री विष्णुदेव साय के संग होए एक समीक्षा बैठक के समय करिन।
नई दिल्ली के भारत मंडपम म सड़क परिवहन अउ राजमार्ग मंत्री नितिन गडकरी के अध्यक्षता म समीक्षा बैठक के आयोजन होइस, जेमां छत्तीसगढ़ के मुख्यमंत्री श्री विष्णुदेव साय सामिल होइन। बैठक म छत्तीसगढ़ म चलत राष्ट्रीय राजमार्ग परियोजना मन के प्रगति उपर चर्चा होइस। ए बेरा म केन्द्रीय सड़क परिवहन राज्यमंत्री अजय टाम्टा अऊ हर्ष मल्होत्रा अउ छत्तीसगढ़ के उपमुख्यमंत्री अरुण साव घलोक सामिल रहिन।
ये बारे म पूरा समाचार आप हिन्दी म हमर येदे ठीहा म पढ़ सकत हव