कलेक्टर ह तैयारी मन के लीन जायजा, बेहतर व्यवस्था बर अधिकारी मन ल दीन जरूरी निर्देश
बलौदाबाजार भाटापारा, संत शिरोमणि गुरू घासीदास के जन्मस्थली अऊ तपोभूमि गिरौदपुरी धाम म 16 अगस्त 2025 के जन्माष्टमी उत्सव मनाए जाही। बलौदाबाजार भाटापारा कलेक्टर दीपक सोनी बुधवार के गिरौदपुरी धाम पहुंचिन। उमन गुरू गद्दी के दर्शन अऊ पूजा अर्चना करके आशीर्वाद लीन। एखर पाछू अधिकारी मन ल संग लेके जन्माष्टमी उत्सव तैयारी मन के जायजा लीन। उमन जन्माष्टमी उत्सव म अवइया श्रद्धालु मन बर बेहतर सुविधा अऊ व्यवस्था हेतु जरूरी निर्देश दीन।
कलेक्टर ह तैयारी मन के समीक्षा करत पेयजल, विद्युत, चिकित्सा, एम्बुलेंस, साफ -सफाई, सुरक्षा व्यवस्था, शौचालय, वाहन पार्किंग आदि के जानकारी लीन अऊ जेन काम बांचे हे ओ मन ल जल्दी पूरा करे के निर्देश दीन। उमन कहिन के सबो अधिकारी सौंपे गये जिम्मेदारी के ईमानदारीपूर्वक निर्वहन करत बेहतर काम करंय ताकि अवइया श्रद्धालु मन ल सुखद अनुभूति होवय।
गिरौदपुरी धाम म 16 अगस्त के मनाए जाही जन्माष्टमी उत्सव
