पहिली बरसात म घलोक नइ कर पात रहिन खेती, अब गर्मी म घलोक लेवत हें फसल- परदेशी राम
बिना ईंधन के पहुंचत हे किसान मन के खेत तक पानी
सुकमा, किसान मन बर अपन फसल के अच्छा दाम पाना सफल खेती के प्रमाण होथे। फेर परदेशी राम मड़कामी बर अपन पहली फसल जिला के कलेक्टर ल भेंट करना जीवन के अनमोल पल रहिस। जिला मुख्यालय ले करीबन 12 किलोमीटर म मलगेर नदी म बने गिरदालपारा परियोजना के लाभ लेवत कृषक परदेशी राम ह सहर्ष बताइस के ओ ल कभू घलोक ये बात के आस नइ रहिस कि ओ अपन जमीन म दुहरी फसल लेके अकतहा आय कमा पाही। पहिली सिंचाई सुविधा सुदृढ़ नइ रहिस जेखर सेती ओ ल सीमित क्षेत्र मात्र म अपन फसल लगा पात रहिस। बरसात म घलोक फसल अच्छा नइ होत रहिस, फेर ये लिफ्ट इरिगेशन सिसटम के बदौलत अब जादा रकबा म सिंचाई करके टमाटर, मिर्च आदि के फसल ले लाभ कमावत हे। उमन कहिन के ये उपलब्धि के श्रेय कलेक्टर श्री विनीत नंदनवार ल जाथे, जिंकर अथक प्रयास के ही परिणाम हे के गिरदालपारा के किसान मन के जीवन म बदलाव के बयार आए हे। जेन किसान मन ह कभू सोचे नइ रहिन के धान के अलावा घलोक आन फसल ले लाभ ले पाबों, आज कलेक्टर संग जल संसाधन विभाग, कृषि विभाग, उद्यान विभाग के प्रयासों ले हम गांव वाले मन ल कृषि उपर रुझान बाढ़े हे अऊ अपन खेत मन म मूंग, मक्का, टमाटर, बैंगन, मिर्च आदि के बनेच पैदावार लेवत हे।