गिरदावरी के काम सावधानी ले पूरा करे जाए: राजस्व मंत्री श्री अग्रवाल

• • शिविर लगाके लंबित राजस्व प्रकरण मन के निराकरण करे के दीन निर्देश
    संभाग स्तरीय राजस्व अधिकारी मन के बैठक

रायपुर, प्रदेश के राजस्व अऊ आपदा प्रबंधन मंत्री श्री जयसिंह अग्रवाल ह कहिन कि प्रदेश म एक अगस्त ले चालू करे गए खरीफ फसल के गिरदावरी के काम पूरा गंभीरता ले करव। राजस्व के लंबित प्रकरण मन के निराकरण बर प्राथमिकता ले जरूरी कदम उठावव। प्रशासनिक व्यवस्था ल सुचारू रूप ले संचालित करे बर सबो समन्वय बनाके काम करव। सबो राजस्व अधिकारी क्षेत्र के जनता के समस्या मन ल दूर करे बर हर संभव उदीम करव। राजस्व प्रकरण मन के निराकरण म कोनो प्रकार के लापरवाही बरदास्त नइ करे जाए। राजस्व मंत्री श्री जयसिंह अग्रवाल ह आज इहां कलेक्टोरेट स्थित रेडक्रॉस सभाकक्ष म राजस्व अधिकारी मन के संभाग स्तरीय समीक्षा बैठक लेके जरूरी निर्देश दीन।