रायपुर, 6 नवम्बर 2020। लड़की मन ल आगु बढ़ाय के उदेश्य ले छत्तीसगढ़ राज्य महिला आयोग के अध्यक्ष डॉ. किरणमयी नायक लगातार प्रयास करत हे। डॉ. किरणमयी नायक ह कोण्डागांव अउ नारायणपुर जिला के महिला उत्पीड़न ले संबंधित प्रकरण के सुनवाई कोण्डागांव जिला कार्यालय के सभाकक्ष म करिन। आयोग के अध्यक्ष ह कहिन कि लड़की मन कोनों भी प्रकार के प्रताड़ना ले नई डरे अउ आयोग के समक्ष आ के अपन शिकायत दर्ज करें। एक अन्य प्रकरण म उभय पक्ष ह पुलिस रिपोर्ट के पश्चात घलो चालान प्रस्तुत नई होय के बात कहिन जेमा आयोग ह संबंधित थाना प्रभारी ल निर्देशित करिन कि रिपोर्ट होय प्रकरण म त्वरित कार्रवाई करके चालान प्रस्तुत करें। एखर ले न्यायालय के समक्ष मामला के निराकरण शीघ्रता से हो सकही। एखर अतिरिक्त आयोग ह पुलिस रिपोर्ट म शीघ्रता ले संज्ञान लेहे के घलो निर्देश पारित करिन। सुनवाई के दौरान कोरोना संक्रमण ले बचाव बर शासन के डाहर ले जारी दिशा-निर्देश के पालन करे गीस। सुनवाई के दौरान शासकीय अधिवक्ता, महिला बाल विकास अउ पुलिस विभाग के अधिकारी मन उपस्थित रिहिन।
प्रकरण म कोण्डागांव जिला के पांच अउ नारायणपुर जिला के एक प्रकरण शामिल रिहिस। प्रकरण मुख्य रूप ले पारिवारिक विवाद, शारीरिक अउ मानसिक उत्पीड़न, दहेज प्रतारणा, भरण-पोषण ले संबंधित रिहिस।
गुरतुर गोठ बर- भीषम वर्मा
