गिरौदपुरी मेला म सामिल होइन मुख्यमंत्री श्री भूपेश बघेल

रायपुर, मुख्यमंत्री श्री भूपेश बघेल काली बाबा गुरु घासीदास के जन्मभूमि अऊ तपोभूमि गिरौदपुरी धाम म आयोजित गुरुदर्शन मेला म सामिल होइन। गुरु गद्दी अऊ जैतखाम के पूजा करके उमन प्रदेशवासी मन के ख़ुशहाली अऊ समृद्धि के कामना करिन मंत्री गुरु रूद्रकुमार ह ये बेरा म मंदिर म स्थापित जैतखाम म सफेद पालो घलो चढ़ाइन।
मुख्यमंत्री श्री भूपेश बघेल आज बाबा गुरु घासीदास के जनम भूमि अऊ तपोभूमि गिरौदपुरी धाम म आयोजित गुरुदर्शन मेला म संघरिन। उमन गुरु गद्दी अऊ जैतखाम के पूजा-अर्चना करके नमन करिन अऊ छत्तीसगढ़वासी मन के खुशहाली अऊ तरक्की बर कामना करिन। मुख्यमंत्री ह ये बेरा म गिरौदपुरी मेला आयोजन समिति के अध्यक्ष अऊ गुरु गद्दीनशीन श्री विजय गुरु ले घलोक गुरु निवास म मुलाकात करिन अऊ ओखर घलोक आशीर्वाद लीन।
मंत्री गुरु रूद्रकुमार ह ये बेरा म मंदिर म स्थापित जैतखाम म सफेद पालो चढ़ाइन। तीन दिन के गुरुदर्शन मेलाा के आज पहिलली दिन ये। ये मेला 09 मार्च तक चलही। ये बेरा म नगरीय प्रशासन अऊ विकास मंत्री डॉ. शिवकुमार डहरिया, कलेक्टर डोमन सिंह, एसपी दीपक झा संग बड़ संख्या म राजमहंत, संत अऊ श्रद्धालुगण उपस्थित रहिन।
बाबा गुरु घासीदास के जन्मभूमि अऊ तपोभूमि गिरौदपुरी धाम म आयोजित गुरुदर्शन मेला म सामिल होए पहुंचे मुख्यमंत्री श्री भूपेश बघेल मेला म आए श्रद्धालु मन ले आत्मीयता ले मिलिन, उमन मंदिर परिसर म श्रद्धालु मन के संग भुइंया म बइठ के फोटो घलोक खिंचवाईन।