- नवा संक्रमित मन के आंकड़ा घलोक 10 हजार ले तरी आ गे
रायपुर, 12 मई 2021। छत्तीसगढ़ म कोरोना-नियंत्रण बर करे प्रभावी उपाय मन के परिणामस्वरूप राज्य म संक्रमण-दर तेजी ले तरी आवत हे। काली 11 मई 2021 के ये घटके 15 फीसदी हो गए हे। अइसनहे संक्रमित मन के आंकड़ा घलोक तेजी ले घटत अब 10 हजार ले घलोक तरी आ गए हे। प्रदेश म टेस्ट सुविधा बढ़े के संगेच, संक्रमित मन के जांच म घलोक बढ़ोतरी होए हे। 11 मई के ही 42 हजार 750 टेस्ट के लक्ष्य के आगू म 63 हजार 811 टेस्ट करे गए रहिस, जेमां 9 हजार 717 मनखे ही पाजिटिव पाए गीस।
कोविड-19 महामारी के रोकथाम बर राज्य सरकार कोति ले टेस्टिंग उपर विशेष ध्यान देहे जात हे। अभी हाल म रोजेच करीब 40 हजार के लक्ष्य ले जादा 60 हजार मनखे मन के कोरोना जांच करे जात हे। 11 मई के प्रदेश म 63 हजार 811 मनखे मन के जांच करे गए रहिस जेमां ले 8 हजार 540 आरटीपीसीआर टेस्ट, 6 हजार 305 ट्रू नॉट टेस्ट अऊ 48 हजार 966 रेपिड एंटीजन टेस्ट सामिल हे। ये मा कुल 9 हजार 717 मनखे पॉजिटिव आए हें। ए प्रकार ले राज्य के पाजिटिविटी दर घलोक अब घटके 15 हो गए हे।