गोधन न्याय योजना के हितग्राही मन ल 361.52 करोड़ के भुगतान

गोधन न्याय योजना के तहत राज्य म हितग्राही मन ल 356 करोड 17 लाख रूपिया के भुगतान करे जा चुके हे, जेमां 18 करोड़ रूपिया के बोनस राशि घलोक सामिल हे। 08 नवम्बर के 5.35 करोड़ के भुगतान के बाद ये आंकड़ा 361 करोड़ 52 लाख रूपिया हो जाही। गोधन न्याय योजना के तहत छत्तीसगढ़ के गौठान मन म 2 रूपिया किलो के दर ले गोबर के खरीदी करे जात हे। गौठान मन म 15 अकटूबर तक खरीदे गए 87.29 लाख क्विंटल गोबर के एवज म गांव वाले मन ल 174.58 करोड़ रूपिया के भुगतान घलोक करे जा चुके हे। 08 नवम्बर के गोबर विक्रेता मन ल 4.69 करोड़ रूपिया के भुगतान होए के बाद ये आंकड़ा बाढ़के 179.28 करोड़ रूपिया हो जाही। गौठान समिति अउ महिला स्व-सहायता समूह मन ल 163.58 करोड़ रूपिया राशि के भुगतान करे जा चुके हे। गौठान समिति अऊ स्व-सहायता समूह ल 08 नवम्बर ल 0.66 करोड़ रूपिया के भुगतान के बाद ये आंकड़ा बाढ़के 164.24 करोड़ रूपिया हो जाही। स्वावलंबी गौठान मन म खुद के राशि ले 24.15 करोड़ रूपिया के गोबर क्रय करे गए हे।