महतारी वंदन योजना ले महिला मन होवत हें आत्मनिर्भर

श्रीमती शामपति ह योजना के राशि ले शुरू करिस बकरी (छेरी) पालन, परिवार के स्थिति म आइस सुधार
बलरामपुर, मुख्यमंत्री श्री विष्णुदेव साय अऊ महिला अऊ बाल विकास मंत्री श्रीमती लक्ष्मी राजवाड़े के अगुवई म महतारी वंदन योजना आज प्रदेशभर के महिला मन के जीवन म सकारात्मक बदलाव लावत हे। ये योजना महिला मन के आर्थिक सशक्तिकरण अऊ आत्मनिर्भरता के दिशा म मील के पत्थर साबित होवत हे। विशेष रूप ले ग्रामीण अऊ आदिवासी अंचल म ये योजना महिला मन ल स्वावलंबन अऊ सम्मान के नवा रद्दा देखावत हे। श्रीमती शामपति ह ए योजना के राशि ले बकरी पालन शुरू करिस, जेखर से वोखर परिवार के स्थिति म सुधार आइस ।
बलरामपुर जिला के राजपुर विकासखंड के ग्राम पतरापारा रहवइया श्रीमती शामपति ए योजना ले लाभान्वित होके आत्मनिर्भरता के मिसाल बन गए हे। योजना के तहत ओ ल हर महीना एक हजार रूपिया मिलत हे। ए पइसा के सदुपयोग करत वो ह बकरी पालन के काम चालू करे हे, जेखर से वोखर परिवार के आर्थिक स्थिति म उल्लेखनीय सुधार होय हे।
श्रीमती शामपति ह बकरी मन खातिर हवादार अऊ स्वच्छ बाड़ा बनवाए हे, चारा, पानी अऊ स्वास्थ्य देखभाल के व्यवस्था करे हे। पशु चिकित्सक मन के सलाह ले वो ह बकरी मन के नियमित टीकाकरण अऊ उपचार घलोक ठउका करे हे। वोखर बकरी पालन ह अब परिवार खातिर स्थायी आय के स्रोत तैयार कर देहे हे। ओ बताथे के महतारी वंदन योजना  के राशि एक हजार रूपिया शहर म कम लग सकत हे, फेर हमार बर ये बहुत बड़ सहायता हे। इही पइसा ले मैं ह बकरी पालन शुरू करेंव अऊ आज हमर जीवन पहिली ले बेहतर स्थिति म हे। श्रीमती शामपति के सफलता ले प्रेरित होके गांव के आन महिला मन घलोक बकरी पालन, सब्जी उत्पादन अऊ छोटे व्यवसाय मन कोति आगू बढ़त हें। अब महिला मन परिवार के आर्थिक रीढ़ बनत हें, जेखर से ग्रामीण समाज म नवा ऊर्जा अऊ आत्मविश्वास के संचार होवत हे।