गोबर बेचके बिटिया ल डॉक्टरी पढ़ावत हे गीता

रायपुर, 17 जून 2021। सूरजपुर जिला म आयोजित भूमि पूजन अऊ लोकार्पण समारोह के समय शासन के गोधन न्याय योजना ले लाभान्वित गीता देवी ह मुख्यमंत्री श्री भूपेश बघेल ले कहिन कि आप मन के ये योजना चलत रहय काबर के एकरे से ओ ह डॉक्टरी के पढ़ाई करत अपन बेटी के फीस के इंतजाम करत हे।
गीता देवी ह कहिस के वोखर बेटी रायपुर म डॉक्टरी के पढ़ाई करत हे। गोबर बेचके अऊ दूध बेचके वो ओखर फीस के इंतजाम कर लेथे। एखर अलावा वोमन गाय मन बर शेड घलोक बनाए हें। गोधन न्याय योजना ले ही लाभान्वित, सूरजपुर जिला के ही दिनेश कुमार ह मुख्यमंत्री ल बताइस कि उमन 50हजार रूपिया के गोबर बेचे हे। ये पइसा म अपन पास के थोड़ा अऊ पइसा मिलाके उमन एक नवा मोटरसाइकिल बिसाए हे। अब इही मोटरसाइकिल ले दूध अऊ सब्जी बेचथे। ओ ह कहिस कि पहिली मात्र 25000 रूपिया कमात रहेन, फेर अब डेढ़ लाख रुपिया कमा लेथे। दिनेश कुमार ह बताइस कि गोधन योजना ले वोखर आर्थिक स्थिति बहुत बेहतर हो गए हे।