गोधन न्याय योजना ले मिलीस मंजिल : गोबर बेचके वासुदेव ह चालू करिस खुद के व्यवसाय

कबीरधाम, 07 जनवरी 2021। छत्तीसगढ़ सरकार के गोधन न्याय योजना अर्थव्यवथा ल एक मजबूत आधार देहे के संग आम मनखे मन के सपना ल घलोक पूरा करत हे। ये योजना के लाभ लेके कोनो ह गाय बिसाईन, कोनो ह फटफटी त कोनो ह अपन जीविकापार्जन के गतिविधि मन बर पइसा सकेलीन। कबीरधाम जिला के विकासखण्ड बोड़ला के ग्राम पंचायत सिंघारी निवासी वासुदेव सिंह धुर्वे ह गोधन न्याय योजना के तहत गोबर बेच के मिले पईसा ले अपन घरे म च्वाइस सेंटर खोलके अपन जीविका के स्थायी जरिया बना लीस। ओकर बताती एखर से वोखर हर महीना करीबन 6 ले 7 हजार रूपिया के अकतहा आमदनी हो जाथे।
वासुदेव के बताती ओखर परिवार सिंघारी गौठान म गोधन न्याय योजना के तहत गोबर के विक्रय सरलग करत हे। अब-तक ओ ह करीबन 114 क्विंटल गोबर बिक्री करे हे जेकर से 22,800 रूपिया वोला मिले हे। वोकर बताती ये राशि ले ओ ह कम्प्यूटर सेट बिसा के अपन घर म च्वाइस सेन्टर के काम संचालित करत हे।