मुख्यमत्री ह गौमाता उप्पर बने पहली फिलिम-‘गोदान’ के करिन ट्रेलर लॉन्च
मुख्यमत्री ह करिन फिलिम-‘गोदान’ ला छत्तीसगढ़ म टैक्स फ्री करे के घोषणा
रायपुर, मुख्यमत्री श्री विष्णुदेव साय ह आज राजधानी रायपुर स्थित मुख्यमत्री निवास कार्यालय म गौमाता उप्पर बने पहली फिलिम-‘गोदान’ के ट्रेलर लॉन्च करिन। ए मौका म मुख्यमत्री श्री साय ह कहिन के गौमाता के संरक्षण अउ संवर्धन बर सरकार प्रतिबद्ध हे। गौमाता न सिर्फ आध्यात्मिक रूप ले पूजनीय हें बल्कि गाय के आर्थिक अउ वैज्ञानिक दृष्टि ले घलो भारी महत्व हे। मुख्यमत्री श्री साय ह फिलिम-‘गोदान’ ला छत्तीसगढ़ म टैक्स फ्री करे के घोषणा करिन।
मुख्यमत्री श्री साय ह फिलिम-‘गोदान’ के ट्रेलर लॉन्च के मौका म कहिन के छत्तीसगढ़ म गौ संवर्धन बर बहुत काम होवत हे। गौशाला म गाय मन के चारा बर जेन अनुदान देहे जात हे तेन राशि ला 20 रुपिया ले बढ़ाके 35 रुपिया करे गे हे, संगेच गौशाला ला अब 25 लाख रुपिया के सहायता राशि देहे जात हे। ओ मन कहिन के सरकार कोति ले गोधाम घलो बनाए जात हे जिहां घुमतू गौवंश के बढ़िया देखभाल करे जात हे।
मुख्यमत्री श्री साय ह कहिन के मान्यता हे के गौमाता म 33 कोटि देवी-देवता मन के वास रइथे। हर अनुष्ठान ले पहली पंचगव्य के उपयोग करे जाथे। ए भारी खुशी के बात हे के गौमाता उप्पर केंद्रित पहली फिलिम-‘गोदान’ के आज ट्रेलर लॉन्च करे जात हे। ए फिलिम के माध्यम ले सबो ला गौमाता के महत्व ला अउ बढि़या सुग्घर ढंग ले समझे के अवसर मिलही। मैं ए फिलिम ले जुड़े सबो लोगन मन ला गाड़ा-गाड़ा बधाई देवत हंव।
मुख्यमत्री श्री साय ह कहिन के हमन ला गौमाता के महत्व के प्रति जन-जन ला जागरूक करना हे। गाय के गोबर ले बने जैविक खाद ही ऑर्गेनिक खेती के आधार हरे। दू घंटा 9 मिनट के ए फिलिम के माध्यम ले गौ संवर्धन के संदेश दर्शक मन तक पहुंचही। फिलिम एक बहुत सशक्त माध्यम हरे जेखर द्वारा एक बड़े दर्शक वर्ग तक सकारात्मक संदेश ला पहुंचाए जा सकत हे।
मुख्यमत्री श्री साय ह फिलिम के पोस्टर अउ गीत ‘गौमाता के प्राणों को बचा लो देशवासियों’ के घलो लॉन्च करिन। ओ मन पंचगव्य उत्पाद के गिफ्ट पैक के घलो विमोचन करिन। गौमाता के महत्ता ला बतावइया कामधेनु फिल्म प्रोडक्शंस के फिलिम गोदान 6 फरवरी के भारतीय सिनेमाघर मन म रिलीज होही।
ए बेरा म श्री अजीत महापात्र, श्री शांतनु शुक्ला, फिलिम के निर्माता अउ निर्देशक श्री विनोद चौधरी, डॉ आईपी सिंह, श्री सुबोध राठी सहित आन गणमान्यजन अउ मीडिया के प्रतिनिधि उपस्थित रहिन।