प्रभारी मंत्री ह ग्राम तिर्रा म 11.85 लाख रूपिया के दू निर्माण काम मन के करिस लोकार्पण-भूमिपूजन
धमतरी 11 अगस्त 2020। प्रदेश के वाणिज्यिक कर (आबकारी), वाणिज्य अडफ उद्योग मंत्री अऊ जिला के प्रभारी मंत्री श्री कवासी लखमा ह आज धमतरी विकासखण्ड के डूबान क्षेत्र म स्थित ग्राम तिर्रा म 11.85 लाख रूपिया के लागत ले बने दू निर्माण काम मन के लोकार्पण अऊ भूमिपूजन करिस। एमां छः लाख 85 हजार रूपिया के लागत वाले नवीन गोठान अऊ पांच लाख रूपिया के लागत ले निर्मित सी.सी.रोड के लोकार्पण सामिल हे।
प्रभारी मंत्री श्री लखमा ह ये बेरा म मौजूद गांव वाले मन ल संबोधित करत कहिन के प्रदेश के मुखिया माटीपुत्र श्री भूपेश बघेल के सियानी म सरलग विकास कार्य होवत हे। विशेष तौर म गांव, गरीब, किसान के तकलीफ मन ल समझके बहुत अकन योजना संचालित करे जात हे। उमन आगू कहिन के प्रदेश सरकार देश के पहली सरकार हे, जऊन हर 2500 रूपिया प्रति क्विंटल म किसान मन के धान खरीदे हे। उहें कर्ज ले लदे किसान मन के कर्जमाफी करके अपन दायित्व निभाइस। तेन्दूपत्ता संग्राहक मन ल चार हजार रूपिया देवइया पहिली सरकार ये। उमन गोधन न्याय योजना ल सबले अनूठी पहल बतात कहिन के गोबर ले आय अर्जित करे अऊ गांव वाले मन ल स्वावलम्बी बनइया ये पहली सरकार ये। अइसन अनेकानेक योजना मन ल चलाके प्रदेश सरकार लोकहित म लगातार काम करत हे।
