19 मार्च2021। मुख्यमंत्री दाऊ भूपेश बघेल ह 21 मार्च के करहीं गोधन न्याय योजना के 15 वीं अउ 16वीं किश्त के रूप म कुल 7 करोड़ 55 लाख रूपिया के अन्तरण प्रदेश के पशुपालक मन के खाता म करहीं। जेमा के 3 करोड़ 75 लाख रूपिया 15 किस्त के होही अउ बाँचत 3 करोड़ 80 लाख रूपिया ह 16 वीं किस्त के भुगतान होही। ये राशि ल मिलाके गोधन न्याय योजना के हितग्राही मन ल 21 मार्च तक भुगतान करे जाए वाले राशि ह बाढ़के 88 करोड़ रूपिया हो जाही।
जानबा होवय कि 20 जुलाई 2020 के हरेली तिहार के अवसर म पशुपालक ल उपराहा लाभ के साधन उपलब्ध कराए खातिर बर 2 रूपिया किलो के भाव म गोबर खरीदे बर गोधन न्याय योजना के श्रीगनेश करे गइस हे। ये योजना म गोबर बिक्री के राशि ह पंदरही म मिलथे। पशुपालक मन ले लेहे गे गोबर ले दैहान म महिला स्व-सहायता समूहमन वर्मी कम्पोस्ट तियार करे जावत हे। 15 मार्च तक 1 लाख 18 हजार 611 कोंटल वर्मी कम्पोस्ट तियार करे जा चुके हे जेमा ले 83 हजार 900 कोंटल वर्मी कम्पोस्ट बेंचा तको गे हे। गोधन न्याय योजना के माध्यम ले प्रदेश म 1 लाख 62 हजार 497 पशुपालक लाभान्वित होवत हावै।
मुख्यमंत्री दाऊ भूपेश बघेल ह 21 मार्च के करहीं गोधन न्याय योजना के 15 वीं अउ 16वीं किश्त के रूप म करही 7 करोड़ 55 लाख रूपिया के भुगतान
