गोधन न्याय योजना : दूध के अलावा गोबर ले अकतहा आय, गौपालक मन के चेहरा म ख़ुशी

जांजगीर-चांपा, 30 दिसम्बर 2020। गोधन न्याय योजना ले गांव वाले मन, पशुपालक मन ल होवइया अकतहा आमदनी के चलते पशु मन के संरक्षण अऊ संवर्धन के एक अच्छा वातावरण तियार होए लगे हे। छत्तीसगढ़ सरकार के सुराजी गांव योजना नरवा, गरूवा, घुरवा, बाड़ी ले गोधन न्याय योजना ल जोड़ देहे ले ये योजना ग्रामीण अर्थव्यवस्था बर एक मजबूत कड़ी बन गए हे। ये योजना ले जांजगीर-चांपा जिला के 6,356 पशुपालक मन ल दूध के अलावा अब गोबर ले घलोक नगदी आमदनी मिले लगे हे। जिला के 15 नगरीय निकाय अऊ 9 विकासखण्ड मन के ग्रामीण क्षेत्र मन म 243 गौठान मन म गोबर खरीदी करे जात हे। गोबर विक्रेता मन ले 20 जुलाई ले 15 दिसंबर तक एक लाख 52 हजार 826.6 क्विंटल गोबर के खरीदी करके 3 करोड़ 5 लाख 65 हजार 319.16 रूपिया के भुगमान करे जा चुके हे।

जिला के 15 नगरीय निकाय के 490 पशुपालक मन ह गोबर विक्रय बर संबंधित गौठान मन मे पंजीयन करवाए हें। नगरीय निकाय के गोबर विक्रेता मन ले 22 हजार 774.76 क्विंटल गोबर के खरीदी करे गए हे। जेखर भुगतान 45 लाख 54 हजार 953.16 रूपिया के ऑनलाइन भुगतान बैंक खाता म करे गए हे। अइसनहे 09 जनपद पंचायत म गोबर खरीदी बर 236 गौठान के पंजीयन करे गए हे। जेमां ले 228 गौठान मन म गोबर के खरीदी चालू हो गए हे। गौठान मन म 20 जुलाई ले 15 दिसंबर तक एक लाख 30 हजार 051.83 क्विंटल गोबर के खरीदी करे गए हे। जेखर भुगतान 2 करोड़ 60 लाख 10 हजार 366 रूपिया के ऑनलाइन भुगतान बैंक खाता म करे जा चुके हे। अकलतरा जनपद के 37 गौठान मन म 20 जुलाई ले 15 दिसंबर तक 18169.31 क्विंटल गोबर के खरीदी करे गए हे। अइसनहे बम्हनीडीह के 25 गौठान मन म 13772.58 क्विंटल, बलौदा जनपद के 17 गौठान मन म 15624.9 क्विंटल, डभरा के 20 गौठान मन म 16688.55 क्विंटल, जैजैपुर के 25 गौठान मन म 10,723.51 क्विंटल, मालखरौदा जनपद के 26 गौठान मन म 4,475.12 क्विंटल, नवागढ़ जनपद के 27 गौठान मन म 29,896.85 क्विंटल, पामगढ़ जनपद के 23 गौठान मन म 11,656.5 क्विंटल अऊ सक्ती जनपद के 28 गौठान मन म 9,044.48 क्विंटल गोबर के खरीदी करे गए हे।