गोधन न्याय एक अइसे योजना, जेखर हे अड़बड़ अकन लाभ: मुख्यमंत्री श्री भूपेश बघेल

रायपुर, 10 जून 2021। मुख्यमंत्री श्री भूपेश बघेल ह आज इहां अपन निवास कार्यालय म आयोजित वर्चुअल कार्यक्रम के माध्यम ले गोधन न्याय योजना के अंतर्गत गौठान समिति, स्व सहायता समूह अऊ गोबर विक्रता मन के खाता म 3 करोड़ 7 लाख 18 हजार रूपिया के राशि अंतरित करिन। ये राशि म गौठान समिति अऊ स्व सहायता समूह मन के 2 करोड़ 45 लाख रूपिया के लाभांश सामिल हे। गोधन न्याय योजना के अंतर्गत अब तक गौठान मन म क्रय करे गोबर के एवज म 95 करोड़ 94 लाख रूपिया के भुगतान करे गए हे, जेखर से एक लाख 68 हजार 531 पशुपालक किसान अऊ ग्रामीण लाभान्वित होए हें। मुख्यमंत्री श्री भूपेश बघेल ह राज्य म गोधन न्याय योजना के सफलता बर ये योजना के क्रियान्वयन म प्रत्यक्ष अऊ अप्रत्यक्ष रूप ले भागीदार सबो मनखे मन ल बधाई अऊ शुभकामना दीन। ये बेरा म मुख्यमंत्री ह गोधन सुपर कम्पोस्ट मोबाइल एप के घलोक लोकार्पण करिन।