शासन के महत्वाकांक्षी गोधन न्याय योजना के कोरिया जिला म होइस विस्तार

1 नवंबर ले कोरिया जिला म 193 नवा गौठान मन म गोबर खरीदी शुरू, अब कुल 329 गौठान मन म गोबर खरीदी
कोरिया, राज्य स्थापना दिवस 01 नवम्बर ले कलेक्टर श्री श्याम धावड़े के मार्गदर्शन म शासन के महत्वाकांक्षी गोधन न्याय योजना ल विस्तार देवत जिला म 329 गौठान मन म गोबर खरीदी शुरू कर देहे गए हे। जिला के 136 गौठान मन के माध्यम ले गोबर ख़रीदी करे जात हे। 01 नवंबर ले योजना ल विस्तार देवत जिला म 193 नवा बने गौठान मन म घलोक गोबर खरीदी शुरू करे गए हे। अब जिला म कुल 329 गौठान मन म गोबर खरीदी शुरू हो गए हे।
गांव मन के दैनिक जनजीवन ल प्रेरणा बना के मुख्यमंत्री श्री भूपेश बघेल के नेतृत्व म राज्य शासन ह नरवा, गरवा, घुरवा अऊ बाड़ी योजना के शुरुआत करे हे जेमां भूजल रिचार्जिंग जइसे महत्वपूर्ण अवधारणा सामिल हे। इही योजना ल विस्तार देवत गोधन न्याय योजना के शुरुआत करे गए हे। योजना के अंतर्गत जिला म किसान मन अऊ पशु पालक मन ले गोबर खरीदी करे जात हे।
योजना के तहत किसान, पशुपालक अऊ गोबर विक्रेता मन ले गोबर खरीदी करे जात हे। कलेक्टर श्री श्याम धावड़े के मार्गदर्शन म जिला म गोधन न्याय योजना के बेहतर क्रियान्वयन करे जात हे। आज ग्राम पंचायत भैंसवार, कचार, ग्राम पंचायत बेलबहरा, अकलासराई, शिवपुर, ग्राम पंचायत किशोरी संग 193 नवा गौठान मन म गोबर खरीदी के शुभारंभ स्थानीय जनप्रतिनिधि अऊ गौठान समिति के उपस्थिति म करे गीस।
गौठान मन म क्रय करे गए गोबर ले वर्मी कम्पोस्ट, सुपर कम्पोस्ट अऊ आन उत्पाद के निर्माण करे जात हे। गौठान मन म ग्रामीण महिला मन ल स्वावलंबी बनाए बर कई ठन आजीविकामूलक गतिविधि संचालित करे जात हे। चप्पल निर्माण, पोल निर्माण, ट्री गॉर्ड, चौन संकली फेंसिंग, सब्जी उत्पादन, फ्लाई ऐश ब्रिक्स निर्माण जइसे काम तको होवत हे। ए रोजगार गतिविधि मन ले जुड़े स्व सहायता समूह मन के महिला मन बनेच आमदनी पावत हें।