राज्य म मिशन जइसे संचालित हे गोधन न्याय योजना : मुख्यमंत्री श्री भूपेश बघेल

रायपुर, मुख्यमंत्री श्री भूपेश बघेल ह कहिन के छत्तीसगढ़ सरकार के गोधन न्याय योजना ल पूरा देश म एक आदर्श योजना के रूप म स्वीकार करे गए हे। ये पईत गणतंत्र दिवस के अवसर म नई दिल्ली के राजपथ म गोधन न्याय योजना के झांकी देश-दुनिया के मनखे मन देखहीं। मुख्यमंत्री ह कहिन कि ये योजना ल छत्तीसगढ़ राज्य म मिशन के रूप म संचालित करे जात हे। गांव मन म स्थापित गौठान मन म आजीविका के साधन ल बढ़ाए के उद्देश्य ले इहां रूरल इंडस्ट्रियल पार्क लउहे विकसित करे जात हे। गौठान मन म अब तेल मिल अऊ दाल मिल स्थापित करे के काम शुरू हो गए हे। पहिली चरण म राज्य के 148 गौठान मन म तेल मिल अऊ 188 गौठान मन म दाल मिल के स्थापना करे जात हे। एखर से गौठान मन म आय मूलक गतिविधि मन ल बढ़ावा मिलही।
ये बेरा म मुख्य सचिव श्री अमिताभ जैन, अपर मुख्य सचिव श्री सुब्रत साहू, मुख्यमंत्री के सचिव श्री सिद्धार्थ कोमल परदेशी, गोधन न्याय योजना के राज्य नोडल अधिकारी डॉ. एस. भारतीदासन, संचालक उद्यानिकी श्री माथेश्वरन वी., संयुक्त सचिव कृषि श्री के.से. पैकरा संग आन अधिकारी उपस्थित रहिन।