-धमधा म गोधन न्याय योजना के कलेक्टर ह करिन समीक्षा
दुर्ग, 24 जुलाई 2020। राज्य शासन के महत्वाकांक्षी गोधन न्याय योजना उपर अमल सुरू हो गए हे। योजना के लाभ जल्दी अऊ अधिकाधिक मनखे मन तक पहुंचय। एखर बर पुख्ता सिसटम बनाए के निर्देश कलेक्टर डाॅ. सर्वेश्वर नरेंद्र भुरे ह दीन। कलेक्टर ह आज धमधा ब्लाक के दौरा म पहुंचिन अऊ उहां अधिकारी मन ले पूछिन के अब तक गोधन न्याय योजना के अंतर्गत का-का जमीनी काम होए हे। अधिकारी मन ह बताइन के सबो गौठान मन म गोबर के क्रय सुरू हो गए हे। किसान मन ल मुनादी के माध्यम ले प्रोत्साहित करे जात हे के गोबर बेचयं। पहाटिया मन गौठान मन म गोबर के संग्रहण करत हें। ए मौका म कलेक्टर ह कहिन के गोबर खरीदी के संगेच एखर भुगतान के व्यवस्था घलोक मुकम्मल करव। अब तक क्रय करे गए गोबर के पइसा किसान मन के खाता म पांच अगस्त तक के आ जाना चाही।
