- मुख्यमंत्री ह जिला स्तर म आयोजित होवइया कार्यक्रम मन बर बनाइन प्रभारी
- मंत्री, संसदीय सचिव अऊ प्राधिकरण के अध्यक्ष मन ल मिलीस जिम्मेदारी
रायपुर, 19 जुलाई 2020। मुख्यमंत्री श्री भूपेश बघेल हरेली परब म 20 जुलाई के रायपुर अऊ दुर्ग जिला म आयोजित कार्यक्रम मन म गोधन न्याय योजना के शुभारंभ करहीं। मुख्यमंत्री ह योजना के शुभारंभ बर जिला मन म आयोजित होवइया कार्यक्रम के जिम्मेदारी मंत्री, संसदीय सचिव अऊ प्राधिकरण के अध्यक्ष मन ल सौंपे हें। मंत्री अऊ संसदीय सचिव अपन प्रभार वाले जिला मन म 20 जुलाई अऊ ओखर बाद के तिथि म गौठान मन म आयोजित कार्यक्रम मन म योजना के शुभारंभ करहीं।
मुख्यमंत्री श्री बघेल खुद कृषि मंत्री श्री रविन्द्र चौबे, नगरीय प्रशासन मंत्री डॉ. शिवकुमार डहरिया अऊ संसदीय सचिव श्री विकास उपाध्याय के संग रायपुर जिला म आयोजित होवइया कार्यक्रम मन म सामिल होहीं। मुख्यमंत्री श्री बघेल दुर्ग जिला म आयोजित होवइया कार्यक्रम मन म छत्तीसगढ़ राज्य ग्रामीण अउ अन्य पिछड़ा वर्ग विकास प्राधिकरण के अध्यक्ष श्री दलेश्वर साहू के संग भाग लेहीं।
गृहमंत्री श्री ताम्रध्वज साहू अऊ संसदीय सचिव श्री विनोद सेवनलाल चन्द्राकर गरियाबंद, आबकारी मंत्री श्री कवासी लखमा अऊ अनुसूचित जाति विकास प्राधिकरण के अध्यक्ष श्री भुवनेश्वर बघेल महासमुंद, स्वास्थ्य मंत्री श्री टी.एस. सिंहदेव बलौदाबाजार-भाटापारा, खाद्य मंत्री श्री अमरजीत भगत बालोद, वन मंत्री श्री मोहम्मद अकबर राजनांदगांव, उच्च शिक्षा मंत्री श्री उमेश पटेल रायगढ़, गौरेला-पेंड्रा-मरवाही बर राजस्व मंत्री श्री जयसिंह अग्रवाल, कांकेर बर लोक स्वास्थ्य यांत्रिकी मंत्री गुरू रूद्रकुमार प्रभारी होहीं। विधानसभा उपाध्यक्ष श्री मनोज मंडावी धमतरी, संसदीय सचिव श्री कुंवरसिंह निषाद बेमेतरा, संसदीय सचिव श्री गुरूदयाल सिंह बंजारे कबीरधाम, संसदीय सचिव सुश्री शकुन्तला साहू बिलासपुर, संसदीय सचिव डॉ. रश्मि आशीष सिंह मुंगेली, संसदीय सचिव श्री चंद्रदेव राय जांजगीर-चांपा, स्कूल शिक्षा मंत्री डॉ. प्रेमसाय सिंह टेकाम अऊ मध्य क्षेत्र आदिवासी विकास प्राधिकरण के अध्यक्ष श्री लालजीत सिंह राठिया कोरबा जिला म आयोजित कार्यक्रम मन के प्रभारी हें।
गोधन न्याय योजना के अंतर्गत सरगुजा जिला म आयोजित होवइया कार्यक्रम मन बर संसदीय सचिव श्री यू.डी. मिंज, कोरिया बर संसदीय सचिव श्री पारसनाथ राजवाड़े, जशपुर बर संसदीय सचिव श्री चिंतामणी महाराज अऊ विधायक श्री रामपुकार सिंह, सूरजपुर बर संसदीय सचिव श्रीमती अंबिका सिंहदेव अऊ सरगुजा विकास प्राधिकरण के अध्यक्ष श्री खेलसाय सिंह, बलरामपुर-रामानुजगंज बर सरगुजा क्षेत्र आदिवासी विकास प्राधिकरण के उपाध्यक्ष द्वय श्री बृहस्पत सिंह अऊ श्री गुलाब कमरो, बस्तर बर संसदीय सचिव श्री शिशुपाल शोरी, कोण्डागांव बर संसदीय सचिव श्री द्वारिकाधीश यादव, दंतेवाड़ा बर बस्तर विकास प्राधिकरण के अध्यक्ष श्री लखेश्वर बघेल, सुकमा बर संसदीय सचिव श्री रेखचंद जैन, नारायणपुर बर विधायक श्री मोहन मरकाम अऊ बीजापुर जिला के कार्यक्रमों बर संसदीय सचिव श्री इंद्रशाह मंडावी ल दायित्व सौंपे गए हे।
मुख्यमंत्री ह डॉ. खूबचंद बघेल ल उंखर जयंती म श्रद्धाजंलि अर्पित करिन
रायपुर, 19 जुलाई 2020। मुख्यमंत्री श्री भूपेश बघेल ह आज इहां अपन निवास कार्यालय म स्वतंत्रता संग्राम सेनानी अऊ छत्तीसगढ़ राज्य के पहिली स्वप्नदृष्टा डॉ. खूबचंद बघेल ल उंखर जयंती म विनम्र श्रद्धाजंलि अर्पित करिन। श्री बघेल ह डॉ. खूबचंद बघेल के फोटू म माल्यार्पण करिन। ये बेरा म राज्य खनिज विकास निगम के अध्यक्ष श्री गिरीश देवांगन, राज्य खाद्य अऊ नागरिक आपूर्ति निगम के अध्यक्ष श्री रामगोपाल अग्रवाल अऊ राज्य समाज कल्याण बोर्ड के अध्यक्ष श्रीमती करुणा शुक्ला घलोक उपस्थित रहिन।
मुख्यमंत्री ह डॉ.बघेल के योगदान ल सुरता करत कहिन के ओ मन जीवन के आखरी समय तक कई रचनात्मक काम अऊ किसान-मजदूर हितैषी गतिविधि मन ले जुड़के छत्तीसगढ़ के सेवा करत रहिन। छत्तीसगढ़ राज्य आंदोलन ल गति देहे म उंखर निर्णायक भूमिका रहिस। डॉ. बघेल ह गांधी जी ले प्रभावित होके शासकीय नौकरी ले त्यागपत्र दीन अऊ सक्रिय रूप ले स्वाधीनता आंदोलन ले जुडि़न। ऊंखर प्रभाव ह सैकड़ों युवा मन ल स्वाधीनता संग्राम ले जोडि़स। मुख्यमंत्री ह कहिन के ओ मन एक गम्भीर चिंतक अऊ विचारक रहिन। हिन्दी अऊ छत्तीसगढ़ी म डॉ.बघेल के जनसरोकार अऊ सामाजिक कुरीति मन के खिलाफ लिखे गए नाटक मन ह घलोक जनमानस उपर गहरा प्रभाव डारिस। छत्तीसगढ़ बर उंखर योगदान सदा याद करे जाही।