मुख्यमंत्री ह 15 दिन म भुगतान करे के दीन हुकुम: बैंक खाता म सीधा अंतरित करे जाही राशि
रायपुर, 23 जुलाई 2020। प्रदेश म गोधन न्याय योजना के तहत गोबर बेचइया मन ल 15 दिन म गोबर खरीदी के राशि मिलही। मुख्यमंत्री श्री भूपेश बघेल ह आज इहां अपन निवास कार्यालय म आयोजित बैठक म वन विभाग के काम मन के समीक्षा के बेरा म अधिकारी मन ले कहिन के गोधन न्याय योजना के शुरूआत 20 जुलाई के गोबर खरीदी शुरू कर के करे गए रहिस। एखर बर 15वां दिन 5 अगस्त के गोबर बेचइया मन ल राशि के भुगतान करे जाही।
उमन मुख्य सचिव ल सहकारी अऊ ग्रामीण बैंक संग आन बैंक के अधिकारी मन के बैठक आयोजित करके एखर बर सबो तियारी सुनिश्चित करे के बेचइया मन दीन। गोबर बेचइया मन ले क्रय करे गोबर के राशि ऊंखर खाता म सीधा अंतरित करे जाही।
मुख्यमंत्री ह गौठान मन म गोबर खरीदी के बेरा ठउका करे के बेचइया मन घलोक दीन। उमन ये घलोक कहिन के गौठान मन म वेटनरी डॉक्टर अऊ गौ-सेवक मन के भ्रमण के कार्यक्रम घलोक तय करे जाय अऊ मनखे मन के जानकारी बर गौठान मन के सूचना पटल म प्रदर्शित करे जाय। श्री बघेल ह गौठान मन अऊ चारागाह मन के देखभाल बर ग्रामीण कृषि विस्तार अधिकारी मन ल जिम्मेदारी सौंपे जाय। उमन कहिन के आन राज्य मन ले बस्तर लहुटे युवा मन ल वनोपज संग्रहण, पंचायत अउ ग्रामीण विकास विभाग के काम मन उपर अऊ गोधन न्याय योजना म जोड़के जादा ले जादा रोजगार के अवसर उपलब्ध कराए जाय। उमन कहिन के कलेक्टर अऊ डीएफओ बैठक करके युवा मन ल रोजगार ले जोड़े बर कार्य योजना तियार करव।