उत्तर बस्तर कांकेर, 28 जुलाई 2020। राज्य सरकार ह ग्रामीण अर्थव्यवस्था ल मजबूत करे अउ पशुपालन ल बढ़ावा देहे बर ‘गोधन न्याय योजना’ के शुरूआत करे हे। ये योजना किसान मन अउ पशुपालक मन बर वरदान साबित होवत हे। सरकार के ‘गोधन न्याय योजना’ के अंतर्गत विकासखंड दुर्गूकोंदल के ग्राम पंचायत भंडारडिगी के आश्रित ग्राम डांगरा म गौठान समिति ह रोजेच 2 रूपिया प्रति किलो के दर ले गोबर खरीदी करे जात हे। गौठान समिति के अध्यक्ष अशोक कुमार नरेटी ह बताइस के ग्राम के गौठान म किसान अउ पशुपालक रोजेच गोबर बेचे पहुंचत हें अऊ अपन आर्थिक स्थिति ल मजबूत करत हें। समिति कोति ले अब तक 1100 क्विंटल गोबर के खरीदी कर डरे हे। गौठान समिति के अध्यक्ष अउ सदस्य मन कोति ले गांव वाले मन अउर पशुपालक मन ले रोजेच गोठान म 2 रूपिया प्रति किलो के दर ले गोबर खरीदी करे जात हे, संगेच अपन आय म बढ़ोतरी करके शासन ये महत्वाकांक्षी योजना के लाभ उठावत हें। प्रदेश सरकार के ‘गोधन न्याय योजना’ ले जिला के पशुपालक अउ किसान मन के मन म टड़बड़ उत्साह देखे जात हे।
उत्तर बस्तर कांकेर के किसान अउ पशुपालक मन बर वरदान साबित होवत हे गोधन न्याय योजना
