मुंगेली, 21 अक्टूबर 2020। राज्य शासन के महत्वाकांक्षी योजना गोधन न्याय योजना के तहत गोठान मन के माध्यम ले निरधारित दर म गोबर के खरीदी करके महिला स्व सहायता समूह मन वर्मी कम्पोस्ट खाद तियार करत हें। कलेक्टर श्री पी.एस.एल्मा के कुशल मार्गदर्शन म गोठान मन म उत्पादित वर्मी कम्पोस्ट खाद के गुणवत्ता परीक्षण अऊ पैकेजिंग आदि के काम महिला स्व सहायता समूह मन निरधारित मापदण्ड के मुताबिक करत हें। जऊन जैविक खाद के रूप म बहुत मात्रा म उपलब्ध हे। कलेक्टर श्री एल्मा ह बताइस के गोठान ले उत्पादित वर्मी कम्पोस्ट खाद ल सहकारी समिति के माध्यम ले निरधारित दर म कोनों भी मनखे बिसा सकत हे। उंकर बताती वर्मी कम्पोस्ट खाद ले रासायनिक उर्वरक के नकारात्मक साइड इफैक्ट ले छुटकारा मिलही अऊ जमीन के उर्वरता घलोक सुरक्षित रइही। उमन मनखे मन ल जैविक खाद के रूप म वर्मी कम्पोस्ट खाद के उपयोग करे के सलाह देहे हें।
गोधन न्याय योजना : जिला म वर्मी कम्पोस्ट खाद भरपूर मात्रा म उपलब्ध
