लोहत्तर गौठान बनिस आजीविका के साधन
गोबर बेच के अपन पुत्री ल नर्सिंग कॉलेज रायपुर में देवाईस दाखिला
उत्तर बस्तर कांकेर 22 अगस्त 2023
छत्तीसगढ़ शासन के महत्वाकांक्षी गोधन न्याय योजना जिला के पशुपालक किसान मन ब वरदान साबित होवत हे। एकर क्रियान्वयन ले ग्रामीण अर्थव्यवस्था ल मजबूती मिलिस हे, लोगन मन के आर्थिक स्थिति में सुधार होइस हे अउ उकर जीवन में खुशहाली आईस हे। ए योजना पशुपालक मन ब अतिरिक्त आय प्राप्त करे ले जरिया बने हे, संग ही स्व सहायता समूह के महिला मन ल विशेष रूप से रोजगार के अवसर उपलब्ध करात हे।
दुर्गूकोंदल विकासखण्ड के लोहत्तर गोठान पशुपालक मन ब आजीविका के साधन बने हुए हे। ए गौठान में 77 पशुपालक मन ह 3709.54 क्विंटल गोबर बेच के 07 लाख 41 हजार 908 रूपिया आय अर्जित करे हे। कृषक कंवल सिंह ह बताइस कि ओ ह 865 क्विंटल गोबर बेच के 01 लाख 73 हजार रूपिया आय अर्जित करे हे, जेकर से ओ ह मोपेड बिसाइस हे अउ बाचे राशि ले खेती बुता ब आवश्यक सामग्री लिस हे। गोधन न्याय योजना शुरू करे ब ओ ह मुख्यमंत्री भूपेश बघेल ल धन्यवाद दिस हे। किसान श्री विजय मण्डावी बतात हे कि ओ ह 245 क्विंटल गोबर बेच के 48 हजार 790 रूपिया के आय अर्जित करे हे, जेकर से अपन बेटी ल नर्सिंग कॉलेज रायपुर में अध्ययन कराए में सक्षम होइस हे। एकर लिए मुख्यमंत्री भूपेश बघेल ल हृदय ले धन्यवाद देवत हव।
