गोधन न्याय योजना ले जय सतनाम स्व सहायता समूह के महिला मन ल मिलत हे अतिरिक्त आय

समूह के महिला मन ह वर्मी कम्पोस्ट बेच के 419493 के आमदनी करिस अर्जित
बेमेतरा, 24 अगस्त 2023

बेमेतरा विकासखंड के गौठान ग्राम आनंदगांव अंतर्गत जय सतनाम महिला स्व सहायता समूह ह गोधन न्याय योजना के जरिए वर्मी कम्पोस्ट अउ सुपर कम्पोस्ट उत्पादन संग कई प्रकार के विभिन्न गतिविधि के माध्यम ले अभी तक रुपिया 4 लाख 19 हजार 493 के आमदनी अर्जित के डारे हे। समूह के द्वारा अभी तक कुल 1776 क्विंटल वर्मी कम्पोस्ट खाद के उत्पादन अउ 1697 क्विंटल खाद के बेचरी कर डारे हे। समूह की अध्यक्ष श्रीमती लक्ष्मी बंजारे ह बताइस कि उमन ल जिला प्रशासन कती ले वर्मी कम्पोस्ट उत्पादन अउ खेती बाड़ी आदि के प्रशिक्षण घलो देवाये गए रहीस हे। ओ ह अहु घलो बताइस कि उकर समूह में 12 महिला सदस्य हे जे अपन घरेलू काम-काज निपटा के गौठान में वर्मी कम्पोस्ट के संग ही स्थानीय बाजारु मांग अनुसार विभिन्न घरेलू रसोई में उपयोग करे जाए वाले मसाला आदि घलो बनाथे। एकर से समूह के महिला मन ल अतिरिक्त आमदनी हो जाथे।