महासमुंद : गोधन न्याय योजना ले वीरेन्द्र के परिवार म आईस खुशहाली

गोपालक अउ किसान मन के आर्थिक स्थिति होवत हे मजबूत
महासमुंद, 10 जुलाई 2023
छत्तीसगढ़ सरकार के महत्वाकांक्षी गोधन न्याय योजना ले ज़िला के गोपालक अउ किसान मन के आर्थिक स्थिति ह मज़बूत होवत हे। पारिवारिक जीवन घलो पहिली ले अउ बेहतर होवत हे। ग्रामीण क्षेत्र के गोपालक म एला लेके बनेच उत्साह हे। लेकिन नगरीय क्षेत्र के गौठान म घलो गोपालक गोबर बेच के अपन आमदनी म इजाफ़ा करत हे।
    नगर पालिका परिषद महासमुंद वार्ड क्रमांक 23 म रहोइया वीरेंद्र के परिवार म ए गोधन न्याय योजना ले खुशहाली आइस हे। राज्य सरकार कती ले जब ले 2 रुपिया किलो म गोबर के खरीदी सुरू होइस हे, तब ले गोबर ले मूल्य मिले लगे जे। वीरेन्द्र ह बताइस कि ओकर परिवार ले मुख्य आजीविका के साधन गाय पालन हर ही ए। लेकिन एक समय अइसे रहिस कि पशु चारा ले कीमत म बढ़ोतरी होए अउ गोबर के सही मूल्य नई मिले के सेती गौ पालन संकट के दौर से निकलत रहिस हे। जब ले गोधन न्याय योजना सुरू होइस हे तब ले उमन ह दोहरा लाभ मिले लगे हे। एक कती गाय के दूध बेच के आय होवत हे, त दूसर कती गोबर बेच के आमदनी होवत हे। ओ ह बताइस कि अभी तक उमन ह दूध अउ गोबर बेच के एक लाख 96 हजार रुपिया के आमदनी होइस हे।
    वीरेंद्र ह बताइस कि गोबर बेच के मिले आमदनी ले अपन परिवार म बिहाव ब जरूरी समान के खरीदी करिस अउ संग म एक ठ बढ़िया नस्ल के जर्सी गाय घलो बिसाइस, जे ह औसतन 8 ले 10 लीटर दूध प्रतिदिन देथे। जेकर से आ हर महीना 12 ले 15 हज़ार के आमदनी होवत हे। ए योजना ब मुख्यमंत्री ल धन्यवाद देत हुए कहिस कि शासन के ए योजना ह गाय के महत्व ल बढ़ाइस हे। जानकारी रहय के छत्तीसगढ़ के मुख्यमंत्री श्री भूपेश बघेल ह 20 जुलाई 2020 के ए योजना के सुरूवात करे रहिस हे। जेकर नाम छत्तीसगढ़ गोधन न्याय योजना हे।
Success story
Neha Rathore