धरती आबा योजना जनजातीय गांव मन बर वरदान: वन मंत्री श्री केदार कश्यप

कोण्डागांव, वन अउ जलवायु बदलाव मंत्री श्री केदार कश्यप ह काली धरती आबा योजना के तहत आयोजित शिविर म स्वास्थ्य विभाग कोति ले 5 मनखे मन ल आयुष्मान कार्ड अऊ 5 ल जन्म प्रमाण पत्र, कृषि विभाग अंतर्गत 5 किसान मन ल धान बीज, सहकारिता विभाग 6 किसान मन ल किसान क्रेडिट कार्ड, 6 पढ़ईया लईका मन ल जाति प्रमाण पत्र अऊ ‘एक पेड़ मां के नाम‘ अभियान के तहत 300 गांव वाले मन ल पौधा बांटिन। वन मंत्री श्री कश्यप काली कोण्डागांव जिला के ग्राम गोलावण्ड म आयोजित धरती आबा जनजातीय ग्राम उत्कर्ष अभियान के अंतर्गत विशेष शिविर म सामिल होइन। ए शिविर म आसपास के 16 गांव मन के ग्रामीण बड़ संख्या म सम्मिलित होइन। उमन कहिन के धरती आबा अभियान के तहत जनजातीय समुदाय के मनखे मन ल मुख्यधारा ले जोड़े के दिशा म एक महत्वपूर्ण प्रयास साबित होवत हे।
वन मंत्री श्री कश्यप ह कार्यक्रम ल सम्बोधित करत कहिन के जनजातीय नायक भगवान बिरसा मुंडा के नाम म शुरू होए ये योजना अब गांव-गांव तक पहुंचत हे। एकर उद्देश्य सरकारी योजना मन के लाभ समाज के आखरी पक्ति के मनखे तक पहुंचाना हे। उमन कहिन के प्रधानमंत्री किसान सम्मान निधि, विश्वकर्मा योजना, आयुष्मान भारत योजना अऊ महतारी वंदना योजना जइसे प्रमुख कार्यक्रम मन के लाभ सबो हितग्राही मन ल जल्द ले जल्द मिले अऊ कोनो पात्र मनखे ए योजना ले वंचित झन रहंय। उमन अधिकारी मन ल सबो महत्वाकांक्षी योजना मन के बेहतर क्रियान्वयन के निर्देश दीन। कार्यक्रम के अंत म वन मंत्री श्री कश्यप ह सबो गांव वाले मन ल नशा मुक्ति के शपथ घलोक देवाईन।
ए बेरा म पूर्व विधायक श्री सेवकराम नेताम, जिला पंचायत सदस्य श्रीमती यशोदा कश्यप, श्रीमती रामदई नाग, जनपद अध्यक्ष श्रीमती अनिता कोर्राम, उपाध्यक्ष श्री टोमेन्द्र सिंह ठाकुर, श्री दीपेश अरोरा संग बहुत अकन जनप्रतिनिधि, गणमान्य नागरिक अऊ अधिकारी-कर्मचारी उपस्थित रहिन।