ईमानदारी अऊ निष्ठा ले निभाए गए जिम्मेदारी देथे सकारात्मक परिणाम – मुख्यमंत्री श्री विष्णुदेव साय

मुख्यमंत्री श्री साय ह IIM रायपुर के सुशासन फेलोशिप छात्र मन ले आत्मीय संवाद म साझा करिन अपन अनुभव
रायपुर, मुख्यमंत्री श्री विष्णुदेव साय ह कहिन के ईमानदारी अऊ निष्ठा ले निभाए गए जिम्मेदारी हमेशा सकारात्मक परिणाम देथे। जनसेवा म ईमानदारी अऊ समर्पण के संग लगे रहे म जनता के मया अऊ आशीर्वाद खच्चित मिलथे।
मुख्यमंत्री श्री साय आज मंत्रालय महानदी भवन के पंचम तल स्थित नवनिर्मित सभागार म आयोजित ‘मुख्यमंत्री सुशासन संवाद’ कार्यक्रम ल संबोधित करत रहिन। ये आयोजन IIM रायपुर म अध्ययनरत मुख्यमंत्री सुशासन फेलोशिप के पढ़ईया लईका मन के संग होइस, जेमां मुख्यमंत्री ह आत्मीय संवाद करत ओ मन ल सुशासन के बारीकी मन ले अवगत कराइन अऊ ऊंखर सवाल मन के प्रेरणादायक उत्तर दीन।
मुख्यमंत्री श्री साय ह कहिन के छत्तीसगढ़ देश के पहला राज्य हे, जेन ह सुशासन अऊ अभिसरण विभाग के स्थापना करे हे। प्रदेश म ई-ऑफिस प्रणाली लागू करे गए हे, जेखर से सबो फाइल डिजिटलीकृत होवत हे। एखर से शासन के कार्यप्रणाली पारदर्शी बने हे अऊ फाइल मन के ट्रैकिंग घलोक सहज हो गए हे। उमन कहिन के सरकार के मंशा भ्रष्टाचार के सबो मार्ग मन ल बंद करे के हे।
मुख्यमंत्री श्री साय ह कहिन के जनता ल शासन के योजना मन के सही लाभ मिलय, इही असली सुशासन हे। योजना मन सोच-समझके बनना चाही, काबर के एखर पीछू जनता के गाढ़ा कमाई लगथे। जब योजना मन जमीनी स्तर तक प्रभावी रूप ले क्रियान्वित होथे, तभे आमजनता ल ओखर सीधा लाभ मिलथे।
मुख्यमंत्री श्री साय ह सुशासन फेलोशिप के पढ़ईया लईका मन ले संवाद के समय ऊंखर जिज्ञासु सवाल मन के बेझिझक अऊ प्रेरणाप्रद उत्तर दीन।