सुशासन तिहार – 2025 : लर्निंग लाईसेंस मिले म विमला वंडो होईस खुस

रायपुर। सुशासन तिहार के चलते आमजनता के समस्या मन के लउहेच निराकरण होए ले मनखे मन के चेहरा मन म मुस्कान आए लगे हे। अब जनता के शासन-प्रशासन बर भरोसा बाढ़े लगे हे।
सुशासन तिहार अंतर्गत सुकमा विकासखंड के ग्राम जीरमपाल म आयोजित समाधान शिविर म परिवहन विभाग के स्टाल म सुश्री विमला वंडो ह लाईसेंस बनवाए बर आवेदन करे रहिस। जिला परिवहन अधिकारी श्री एसबी रावटे ह जरूरी औपचारिकता पूरा करे के बाद एक हफ्ता म विमला वंडो के लर्निंग लाईसेंस बनाके दे दीस। लाइसेंस बन जाय ले ओ ह अड़बड़ खुश हे। विमला वंडो ह कहिस के शासन के ये महत्वपूर्ण अऊ लाभकारी पहल हे, जेखर से गांव वाले मन के समस्या मन के जल्दी निराकरण करे जात हे। गांव मन म समाधान शिविर लगे ले आवेदक मन के समय अऊ राशि दुनों के बचत होवत हे। उमन लर्निंग लाईसेंस मिले म प्रसन्नता व्यक्त करत शासन-प्रशासन के प्रति आभार ज्ञापित करे हें।
कलेक्टर श्री देवेश कुमार ध्रुव के निर्देशन अऊ मार्गदर्शन म सुकमा जिला म सुशासन तिहार के आयोजन करे जात हे जेमां चिन्हांकित पंचायत मन म शिविर लगाके गांव वाले मन के समस्या मन के समाधान करे जात हे।
अइसनहे कोंटा विकासखंड के गोरगुंडा निवासी मड़कम माड़ा ह बताइस के सुशासन तिहार के अंतर्गत उमन घलोक लाइसेंस बनाए बर आवेदन करे रहिन। 1 हफ्ता के अंदर ओला घलोक लर्निंग लाइसेंस बनाकर दे देहे गीस। समाधान शिविर के बारे म बतात उमन कहिन कि छत्तीसगढ़ सरकार आम जनता के द्वार तक पहुंचके उंखर समस्या मन के समाधान करत हे।