दिव्यांगता पेंशन ले बाल कुमारी ल मिलीस नवा आशा, सुशासन तिहार बनिस समाधान के माध्यम

अंबिकापुर, छत्तीसगढ़ शासन कोति ले आयोजित सुशासन तिहार आमजन के समस्या मन के जल्दी समाधान के प्रभावी मंच बन गए हे। इही कड़ी म अंबिकापुर जिला के लुण्ड्रा विकासखंड के समाधान शिविर म ग्राम पंचायत जर्राटोला निवासी जनम ले दिव्यांग बाल कुमारी के सालों जुन्ना समस्या के समाधान होय हे।
बाल कुमारी ह बताइस कि वो ह कई पइत दिव्यांग पेंशन योजना बर आवेदन करे रहिस, फेर हर बार निराशा हाथ लगीस। ए पइत जब वो ह सुशासन तिहार के पहिली चरण म फेर आवेदन करिस, अब ओ ल दिव्यांग पेंशन योजना के लाभ मिलही।
अपन भावना साझा करत बाल कुमारी ह कहिस के, मुख्यमंत्री श्री विष्णु देव साय जी के पहल म आयोजित ये सुशासन तिहार मोर जीवन म एक नवा उम्मीद लेके आए हे। एक आवेदन म मोर कइ बछर के जुन्ना समस्या के समाधान होय हे, अब मोला दिव्यांगता पेंशन मिलही जेखर से जीवनयापन म सहारा मिलही।
वो ह मुख्यमंत्री श्री विष्णु देव साय के प्रति आभार व्यक्त करत कहिस के अइसन सुशासन तिहार समस्या मन के जल्दी समाधान के दिशा म एक सराहनीय पहल हे। सुशासन तिहार ह सही म वोखर कई बछर के जुन्ना समस्या के समाधान करके एक नवा उम्मीद देहे हे।