दिल्ली, 24 जुलाई 2020। देश के करोड़ों क्रिकेट प्रेमी मन बर खुशखबरी हे। अब उंखर पसंदीदा क्रिकेट उत्सव आईपीएल के तारीख के घोषणा होगे हे। सबला अब आईपीएल शुरू होय के इंतजार हे। दरअसल, एक के बाद एक कई क्रिकेट टूर्नामेंट रद्द होय ले क्रिकेट प्रेमी मन म काफी निराशा रिहिस। पहली एशिया कप अउ फेर टी-20 विश्व कप 2020 रद्द होय के बाद इंडियन प्रीमियर लीग यानि आईपीएल के होय म संशय के बादल छाय रिहिस। अब आखिरकार आईपीएल के उद्घाटन के तारीख के जानकारी आगु आगे हे। क्रिकेट के महाकुंभ आईपीएल 19 सितंबर ले UAE म शुरू होही अउ एखर फाइनल मुकाबला 8 नवंबर के खेले जाही। आईपीएल बोर्ड ह सबो फ्रेंचाइजी मन ल ये बारे म जानकारी दे दिये हे। अभी आईपीएल गवर्निंग काउंसिल म एखर उपर मोहर लगे के औपचारिकता बाकी हे। जोन ह जल्द ही एखर आधिकारिक घोषणा कर देही। ओती बीसीसीआई ह खिलाड़ी मन ल यूएई भेजे बर विभिन्न एयरलाइंस ले बातचीत शुरू कर दे हे ताकि संबंधित टीम मन के खिलाड़ी ल यूएई रवाना करे जा सके।
IPL देखने वाला मन बर खुशखबरी, ये तारीख ले शुरु होही यूएई म क्रिकेट के महाकुंभ
