खाद्य विभाग कोति ले करे गीस राईस मिल के उदुपहा जांच

धमतरी, 21 मई 2021। धमतरी के कलेक्टर श्री जयप्रकाश मौर्य के मार्गदर्शन म जिला म कस्टम मिलिंग के काम ल गति देहे बर सरलग कार्रवाई करे जात हे। इही कड़ी म आज खाद्य विभाग के टीम ह खरीफ विपणन साल 2020-21 म समर्थन मूल्य म उपार्जित धान के कस्टम मिलिंग के तहत धान के उठाव के जांच करिन। खाद्य अधिकारी मन ह बताइन के साक्षी गोपाल अरवा राईस मिल ह 4800 मेट्रिक टन धान के अनुबंध करे हे, जेमां ले मात्र 1441 मेट्रिक टन धान के ही उठाव करे हे, जेन मात्र 30 प्रतिशत हे। ये राईस मिल ह कस्टम मिलिंग न करके आन काम मने खुला बाजार म बिक्री बर चावल के मिलिंग करत रहिस। छत्तीसगढ़ कस्टम मिलिंग चावल उपार्जन आदेश 2016 के उल्लंघन पाए जाय म साक्षी गोपाल अरवा राइस मिल ले 50.2 मेट्रिक टन धान अऊ 20.77 मेट्रिक टन चावल जप्त करे गीस।